PETROPAVL. 30 maýsym. Oblys ortalyǵyndaǵy bazarlardyń birinde qumar oıyn arqyly adamdardy aldap, paıda tappaq bolǵan reseılik azamat quryqtaldy. Bul týraly
OIID-niń baspasóz qyzmeti habarlady.
Tepse, temir úzetin jastaǵy jas jigit Reseıdiń Ýral óńirinen kelipti. О́ziniń aıtýynsha, qaltasyndaǵy qarajaty juqaryp qalǵan soń amalsyzdan oıyn bıznesimen aınalysqan kórinedi. Aýzy ańqıǵan ańqaý adamdardy halyq kóp júretin bazarlardyń birinen taýyp, «sharık-malık» oıynyna tartqan. Kónge keminde 500 teńge salýdy mindettep, oımaq astyna jasyrǵan zattyń op-ońaı tabylatyn aıtyp, qumarpazdardyń delebesin qozdyra túsken. Oıynǵa qatysýshylardyń aıtýynsha, qanjyǵasy az maılanbasa kerek.
Endi ol bıznes oıynyn zańsyz uıymdastyrǵany úshin ákimshilik jazaǵa tartylyp, 400 myń teńge kóleminde aıyppul tóleıtin bolady.
Jyl basynan beri oblys ortalyǵynda osyndaı zań buzýshylyqqa barǵan 4 adamǵa ákimshilik shara qoldanylypty.
О́mir Esqalı.
Derek, sýret: Soltústik Qazaqstan oblystyq IID-niń baspasóz qyzmeti.