ALMATY. 30 maýsym. Indonezııanyń «Gerkýles» áskerı-tasymal ushaǵy Medan qalasyndaǵy konaq úıdiń ústine qulady. Meımanhana janyndaǵy turǵyn úıler de zardap shekti. Bul týraly reuters habarlady.
Apattyń saldarynan alǵashqy esep boıynsha 30 adam kóz jumdy. Alaıda, qaıtys bolǵandar men zardap shegýshilerdiń sany artýy múmkin. Sebebi, ushaqtaǵy ekıpaj músheleriniń sany 12 adam, qonaq úı men syrtta júrgen zardap shegýshilerdiń barlyq sany áli tolyqtaı belgili bolǵan joq.
Medan qalasynan Býngýran aralyna ushyp shyqqan áskerı ushaq, kókke kóterilip úlgermeı qulaǵan.
Dál osy Medan qalasynda 2005 jyldyń qyrkúıeginde «Boıng-737» jolaýshylar tasymaldaıtyn avıalaıner apatqa ushyrap, borttaǵy 102 adam men jerdegi 47 turǵyn qaza tapqan bolatyn.
Talǵat Súıinbaı.
Derek, sýret: Reuters.