PAVLODAR. 30 maýsym. Ekibastuzda voleıbol jáne shaǵyn fýtboldan «Shyǵys» kenishiniń tuńǵysh dırektory Vladımır Aksınınnyń qurmetine arnalǵan týrnır ótti. Bul týraly egemen.kz tilshisi habarlady.
Oǵan «Shyǵys» kenishi, «Bogatyr Kómir» JShS, Aqsý elektrlik stansasy, «Maıkýben Vest» JShS kenshileri qatysty. «Shyǵys» kenishi – «Eýroazıattyq energetıkalyq korporasııasy» AQ (EEK) Eýrazııalyq toptyń quramyna kiredi. Elimizdegi elektr energııasynyń 17 paıyzyn, kómirdiń 20 paıyzyn «EEK» AQ óndiredi. Aqsý elektr stansasy da osy korporasııaǵa qaraıdy.
Týrnırde shaǵyn fýtboldan «Shyǵys» kenishiniń kenshiler quramasy jeńimpaz atanyp, kýbokty ıelendi. Ekinshi orynǵa Aqsý elektr stansasy fýtbolshylary shyqty. Árbir quramada eń jaqsy oıynshy anyqtaldy. Bul ataqtar Jasulan Dosýmovqa, Talǵat Jumabaevqa, Rýslan Jaǵyparovqa, Aldııar Gomarovqa berildi.
Voleıbol jarysynda «Shyǵys» quramasy, «Bogatyr Komir» oıynshylary kúmis medaldarǵa ıe boldy. Týrnır sońynda Aleksandr Rojok, Vıtalıı Chıcherın, Stanıslav Jılıaev, Altynbek Beldeýbaev úzdik oıynshy atandy.
Farıda Byqaı.
Derek, sýret: egemen.kz