Maqsatymyz – beıbitshilik pen jasampazdyq

Keshe Astana qalasynda Qazaqstan Respýblıkasynyń Tuńǵysh Prezıdenti – Elbasynyń  kitaphanasynda «Beıbitshilik pen jasampazdyq únqatysýy» atty Qazaqstan men Reseı zııalylary forýmynyń májilisi ótti. Is-sharany «Qazaqstan Res­pýblıkasynyń Tuńǵysh Prezı­denti – Elbasynyń kitaphanasy» memlekettik mekemesiniń qol­daýymen «Qazaqstan azamattyq alıansy», «Eýrazııalyq monıto­rıng» taldamalyq zertteý­ler ortalyǵy (Qazaqstan Respýb­lıkasy), «Sever-Iýg» saıası ortalyǵy (Reseı Federasııasy), «Eýrazııalyq zertteýler ınstı­týty» damý qory (Reseı Fede­rasııasy) uıymdastyrdy. Oǵan Qazaqstan Respýblıkasy Parlamenti Májilisi men Reseı Federasııasy Memlekettik Dý­masynyń depýtattary, qoǵamdyq jáne ardagerler uıymdarynyń jetekshileri, akademııalyq qaýymdastyq, jastar uıymdary men BAQ ókilderi, sonymen qatar, Qazaqstan men Reseıdiń aldyńǵy qatarly sarapshylary men tanymal qoǵam jáne saıası qaıratkerleri qatysty. Qazaqstan Prezıdenti Ákim­shiligi Basshysynyń orynbasary Baǵlan Maılybaev forým qatysýshylaryn quttyqtap, sóz sóıledi. Jıynǵa qatysýshylar atap ótkendeı, Qazaqstanda júrgizilip kele atqan memlekettik sarab­dal saıasattyń arqasynda táýel­sizdik jyldary Qazaqstan ekonomıkalyq qýatty, saıası turaqty el retinde sátti damýda. Elde ultaralyq jáne kon­fes­sııaaralyq kelisimniń biregeı modeli qalyptasty. Jyl saıyn Qazaqstannyń halyqaralyq sahnadaǵy bedeli artyp keledi. Sarapshylar Qazaqstannyń ekonomıkalyq qýatynyń qory mol ekenin atap ótti. Oǵan, eń aldymen, «Nurly Jol» Jańa Ekonomıkalyq Saıasaty kepil bola alady. «Qazaqstan-2050» Strategııasyn sarapshylar qaýymdastyǵy postkeńestik keńistiktegi, sonymen qatar, jahandyq kólemdegi uzaqmerzimdik josparlaý aıasyndaǵy neǵurlym perspektıvaly joba. «Nurly Jol» baǵdarlamasy kele jatqan daǵdarys jaǵdaıynda ýaqyttan oza otyryp jumys isteýdiń jarqyn mysaldarynyń biri bolyp tabylady», dedi bul jaıynda M.V.Lomonosov atyndaǵy MMÝ-daǵy ortalyqtyń  bas dırektory Iýlııa Iаkýsheva. Sondaı-aq, Reseı Memlekettik dýma­synyń depýtaty Andreı Týmanov Nursultan Nazarbaevtyń bes ınstı­týsıonaldyq reformasy týraly usynystaryn reseılikterdiń qyzyǵý­shylyqpen zerttegendikterin, qazirgi ýaqytta naq osy jolmen júrýdiń durys ekendikterine kóz jetkizgendikterin aıta kele «Biz de osyndaı áreketke kiriskenimiz jón bolar. О́ıtkeni, men mundaǵy árbir tarmaqty óte zor yqylaspen oqyp shyqtym. Bul reformalar bizdiń de qolaıymyzǵa keletindeı» dep atap kórsetti. Kezdesýge qatysýshylar Qazaq­stan­nyń údemeli ındýstrııalyq-ınno­vasııalyq damý baǵdarlamasyn iske asyrý boıynsha, sondaı-aq shaǵyn jáne orta bıznesti qoldaý salasyndaǵy sátti tájirıbesine erekshe toqtaldy. Jalpy, jıynda «Qazaqstan-2050» Strategııasyn odan ári iske asyrý Qazaqstanǵa ekonomıkasynyń damý qarqynyn saqtap, eń damyǵan 30 eldiń qataryna qosylýǵa múmkindik beredi degen ortaq pikir aıtyldy. Forýmǵa qatysýshylar zııalylar forýmyn qurý týraly qarar qabyldady. Sondaı-aq, otyrys qorytyndysy boıynsha málimdeme jasady. Qararda bylaı dep atap kórsetiledi: Biz, ǵylym, bilim, mádenı qaýym­das­tyq, azamattyq qoǵam ınstıtýttarynyń ókilderi Qazaqstan men Reseıdiń tarıhı qalyptasqan berik baılanysyn nazarǵa alyp, qazaqstandyq-reseılik gýmanıtarlyq-mádenı yntymaqtastyq mańyzdy ózara tıimdi áleýetke ıe degen nyq senimmen, mádenıet, bilim, ǵylym, aqparat jáne buqaralyq kommýnıkasııa, sport, týrızm jáne jastarmen jumys salasyndaǵy gýmanıtarlyq yntymaqtastyqty damytý men nyǵaıtýdyń mańyzdylyǵyn sezinip, memleketterimizdiń ulttyq dástúrlerin, tilderi men mádenıetterin ózara baıytý jáne erkin damytýdyń joǵary mańyzdylyǵyn túsinip, birlesip kúsh salý arqyly barsha eýrazııalyq keńistikte ekonomıkalyq jáne áleýmettik ilgerileýdi, ult­aralyq kelisim men turaqtylyqty qam­tamasyz etýge degen umtylyspen, turaqty jumys isteıtin pikir almasý alańy retinde Qazaqstan men Reseı zııalylarynyń forýmyn qurý týraly sheshim qabyldadyq. Al málimdemede Qazaqstanda ult­ara­lyq jáne dinaralyq kelisimniń kere­met úlgisi qalyptasqany, Qazaq­stannyń halyqaralyq bedeli jyl ótken saıyn óse túsip kele jatqany atap kórsetiledi. Sondaı-aq, el ekono­mı­kasynyń irgetasy berik ekeni, oǵan birinshi kezekte «Nurly Jol» Jańa Ekono­mıkalyq Saıasaty oń yqpal etip otyr­ǵany kóldeneń tartylady. Qazaqstannyń údemeli ındýstrııalyq-ınnovasııalyq damý baǵdarlamasy men shaǵyn jáne orta bıznesti qoldaý baǵytyndaǵy oń tájirıbe de erekshe nazar aýdarýdy qajet etetinine ekpin túsiriledi. Qysqasy, Qazaq eliniń álem moıyn­daǵan jolmen ilgerileı beretinine senim bildiriledi. «Egemen-aqparat». Sýretti túsirgen Erlan OMAROV.