Qazaqstan Respýblıkasy Konstıtýsııasynyń kúni qarsańynda Senat Tóraǵasy Qasym-Jomart Toqaev Memleket basshysy N.Á.Nazarbaevtyń Jarlyǵymen marapattalǵan Senat Apparatynyń bir top qyzmetkerlerine «Qazaqstan Konstıtýsııasyna 20 jyl» mereıtoılyq medalin tabys etti, dep habarlady Senattyń baspasóz qyzmeti.
«Elbasy óz sózinde Konstıtýsııany qatań basshylyqqa alý memlekettiń tabysty damýy men qoǵamdaǵy azamattyq kelisimniń negizi dep atap kórsetken bolatyn. Búginde Qazaqstannyń álem memleketterimen terezesi teń túsip, eleýli jetistikterge jetýi Ata Zańymyzdyń ómirsheńdigin dáleldep otyr», dep atap ótti Q.Toqaev. Qazaqstan memlekettiginiń zańdyq negizine aınalǵan Konstıtýsııa qoǵamymyzdaǵy turaqtylyq pen kelisimniń berik irgetasy bolyp tabylady, dedi Tóraǵa.