ATYRAÝ. 1 sáýir. Atyraýda byltyrǵy qyrkúıekten bergi 7 aıda 3,4 mlrd. teńgeniń 479 múligi zańdastyryldy. Bul týraly egemen.kz tilshisi habarlady.
Múlikti jarııa etý aksııasy bastalǵannan keıin jarııa etý komıssııalaryna turǵyndardan 619 nysandy zańdastyrý maqsatynda 476 ótinish túsipti. Atyraý oblystyq qarjy basqarmasynyń bólim basshysy Baqtygereı Jaqsyǵalıevtiń aıtýynsha, bul nysandar 5,1 mlrd. teńgege baǵalanǵan. Alaıda, ótinishterde kórsetilgen nysandardyń arasynan tek 3,4 mlrd. teńgeniń 479 múligi ǵana zańdastyrylypty.
«Komıssııalar sheshimimen 478,2 mln. teńgeniń 37 múligin zańdastyrýdan bas tartyldy. Buǵan qajetti qujattardy tolyq jáne durys jınaqtamaý sebep bolyp otyr. Qazirgi ýaqytta 1,2 mln. teńgege baǵalanǵan 103 múlikti zańdastyrýǵa berilgen 61 ótinish qaralýda», deıdi B.Jaqsyǵalıev.
Joldasbek Shópeǵul.
Derek: egemen.kz.
Sýret: Rahym Qoılybaev.