ASTANA. 1 sáýir. Qyzylorda oblysy Syrdarııa aýdandyq prokýratýrasy «О́rken-Syrdarııa» jaýapkershiligi shekteýli seriktestigindae Eńbek kodeksi talaptarynyń qoldanylýyna baılanysty tekserý júrgizip, zań buzýshylyqtarǵa jol berilgenin anyqtady. Bul týraly oblystyq prokýratýranyń baspasóz qyzmeti habarlady.
Tekserý barysynda jumys berýshi men 103 jumysshy-qyzmetker aralarynda jasalǵan eńbek sharttarynda sońǵylarǵa eńbekke aqy tóleý mólsheri men ózgede sharttary, qyzmetkerler men jumys berýshiniń quqyqtary, eńbek shartyn ózgertý tártibi, saqtandyrý jónindegi talaptary men sharttardyń rettik nómirleri kórsetilmeı, zań talaptarynyń buzylýyna jol berilgeni anyqtaldy.
Sonymen qatar, jumys berýshimen qaraýyl jáne eden jýýshy qyzmetkerlerdiń bir aılyq jalaqysynyń mólsheri «2014-2016 jyldarǵa arnalǵan respýblıkalyq bıýdjet týraly» Zańnyń 10-babynda belgilengen aılyq jalaqynyń eń tómengi mólsherinen (19 966 teńge) kem, ıaǵnı 18 660 teńge mólsherinde belgilenip, zań talaptary buzylǵan.
Sondaı-aq, tekserý barysynda jumys berýshimen qaraýyl bolyp jumys isteıtin 3 qyzmetkerge 2014 jyly olardyń túngi ýaqyttaǵy jumystary úshin qosymsha aqy tólenbeı, Eńbek kodeksiniń 23-baby 2-bóliginiń 19-tarmaqshasy men 91-baby 1-bóligi talaptarynyń buzylýyna jol berilgeni belgili boldy.
Bul rette, jumys berýshimen eńbek sharttarynda jumysshy-qyzmetkerlerdiń jaǵdaıyn nasharlatatyn erejeleriniń belgilenýine, sondaı-aq olardyń qaýipsizdik pen tazalyq talaptary jónindegi máseleleri qarastyrylmaı, sońǵylardyń konstıtýsııalyq quqyqtarynyń buzylýyna jol berilgen.
Zańdylyqty buzýshylyqtardy joıý maqsatynda aýdandyq prokýratýra «О́rken-Syrdarııa» jaýapkershiligi shekteýli seriktestiginiń dırektoryna 2015 jyldyń 5 naýryzynda uıǵarym engizilip, qaralýy nátıjesimen jumys berýshimen qaraýyl qyzmetkerlerge olardyń túngi ýaqyttaǵy jumysy úshin qosymsha eńbek aqy eseptelip, tólenip, 103 jumysshy-qyzmetker aralarynda jasalǵan eńbek sharttary Eńbek kodeksiniń talaptaryna sáıkes keltirilip, sońǵylardyń konstıtýsııalyq quqyqtarynyń qorǵalýyna qol jetkizildi.
Joldybaı Bazar.
Derek: Qyzylorda oblystyq prokýratýranyń baspasóz qyzmeti.
Sýret: egemen.kz.