ASTANA. 14 qazan. «Nur Otan» partııasy Astana qalalyq fılıalynda 2015 jyly Ońtústik Afrıka Respýblıkasy Iohannesbýrg qalasynda ótken karate-do shotakannan XVII álem chempıonatynyń jeńimpazdaryn marapattaý sharasy ótti. Bul týraly «Nur Otan» partııasy Astana qalalyq fılıalynyń baspasóz qyzmeti habarlady.
Is-sharanyń negizgi maqsaty – XVII álem chempıonatynda sátti óner kórsetip, elimiz ben elordamyzdyń namysyn qorǵaǵan jastardy saltanatty túrde marapattap, ata-analaryna alǵys jarııalaý.
Jeńimpaz sportshylar qatarynda 5 altyn medal ıegeri Bella Samasheva, 4 altyn 1 kúmis ıegeri Erkejan Mútálip jáne sport sheberi Ádilet Úsenbaev pen karate-do shotokannan halyqaralyq dárejedegi sport sheberi Raýan Toǵyzbaevtar bar.
Sportshylarǵa «Nur Otan» partııasynyń hatshysy atynan alǵys hat pen eskertkish syılyqtardy partııanyń qalalyq fılıal tóraǵasynyń birinshi orynbasary Sapar Ahmetov tabys etti.
«Elbasy «Qazaqstan-2050» Strategııasynda «Ult densaýlyǵy – bizdiń tabysty bolashaǵymyzdyń negizi» deı otyryp, dene shynyqtyrýdy, sporttyń barlyq salasyn damytýdyń mańyzdylyǵyn aıtty. Jalpy egemendigimiz jarııalanǵan ýaqyttan bastap salaýatty ómir saltyn saqtap, deni saý urpaq qalyptastyrýda memleket tarapynan kóptegen ister atqaryldy. Endigi mańyzdy másele – osy sportqa degen súıispenshiliktiń jalpy buqaralyq sıpatqa ıe bolýy. Bizdiń mindetimiz – aǵa urpaq pen jastar arasyndaǵy baılanysty nyǵaıtý, osy ıgilikti sharaǵa belgili sportshylardy jumyldyrý, jastardyń qyzyǵýshylyǵyn arttyra túsý. Memleket basshysy N.Á. Nazarbaev el sportshylaryna úlken senim artatynyn óz sózderinde qaıtalap aıtyp keledi. Sondyqtan 2015 jyly Iohannesbýrg qalasynda ótken karate-do shotakannan XVII álem chempıonatynda joǵary kórsetkishpen jeńiske jetken Qazaqstan sportshylaryn arnaıy shaqyryp otyrmyz, – dedi Sapar Ahmetov. – Olar, 10 jasar sportshymyz, álemniń 10 dúrkin chempıony, atalǵan halyqaralyq saıysta 5 birdeı altyn medal ıelengen Bella Samasheva jáne 2014 jyly jeńimpaz atanyp, bıylǵy jylǵy 4 altyn 1 kúmis medal ıegeri Erkejan Mútálip, sonymen qosa, eresekter arasynda el namysyn qorǵap, 3 altyn, 1 qolany jeńip alǵan Qazaqstannyń sport sheberi Ádilet Úsenbaev jáne Halyqaralyq dárejedegi sport sheberi, bıylǵy saıysta 7-shi altynǵa qol jetkizgen Raýan Toǵyzbaev syndy talantty jastar bar. «Nur Otan» partııasynyń Astana qalalyq fılıaly sizderdi shyn júrekten quttyqtaıdy. Sizderdiń bul jeńisterińiz Táýelsiz Qazaqstannyń sport salasyndaǵy altyn qorjynyn taǵy bir márte toltyryp, halyqaralyq qaýymdastyq aldynda el mereıin ústem qylǵany anyq. Osy oraıda atalǵan sportshylardyń jattyqtyrýshylaryna jáne tárbıelep-ósirgen ata-analaryna zor alǵysymyzdy bildiremiz».
Is-sharaǵa «Nur Otan» partııasy Astana qalalyq fılıalynyń basshylyǵy, «Jas Otan» jastar qanatynyń ujymy, jas sportshylar, olardyń ata-analary, jastar uıymdary, Astana qalasynyń jumysshy jastary, stýdentter, oqýshy jastar, sondaı-aq respýblıkalyq jáne jergilikti BAQ ókilderi qatystyy.
Aıdar О́risbaev.
Derek, sýret: «Nur Otan» partııasy Astana qalalyq fılıalynyń baspasóz qyzmeti.