Petropavl. 2 sáýir. Kózin tyrnap ashqannan oblys ortalyǵynda turyp kele jatqan Ahmetshına Ǵaınıkamal ájeı qulaǵaly turǵan baspana basyp qala dep ár tańyn uıqysyz atyryp keledi. Bul týraly KTK arnasy habarlady.
Tyl eńbekkeri 85 jasta. Sý tasyp, ot jaǵýdan qalǵan. О́zge túgil ózine qaraılaıtyn shamasy joq: dimkás. Tanystary anda-sanda qaraılasyp turady. Qartaıǵanda eshkimge kereksiz bolyp qalǵanym ba dep nalyǵanda etegi jasqa tolady.
Bárinen de qatty qınaıtyny– baspananyń apatty jaǵdaıda turǵany. Byltyr úıdiń jartysy órtenip ketipti. Kórshi-qolań asarlap, jamap-jasqap bergenimen, qysta ıt baılasa turǵysyz , sýyq. Osydan shırek ǵasyrǵa jýyq qudaı qosqan qosaǵy qaıtys bolǵannan beri jalǵyzdyqtyń taýqymetin tartyp keledi.
«Aıaǵyn áreń basady, kózi kórýden qaldy. Qala basshylary qarııanyń qazirgi aýyr jaǵdaıyn eskerip, jylýy, sýy bar ýaqytsha páter berýin ótinemiz»,– deıdi týysyndaı bolyp ketken kórshisi Nadejda Arhıpova.
Qalalyq jumyspen qamtý jáne áleýmettik baǵdarlamalar bóliminiń mamany Álıma Beknazarova Jeńistiń 70 jyldyǵy qarsańynda merekelik medal, 25 myń teńge mólsherinde áleýmettik kómek beriletinin, as-sýyna qaraılasatyn kútýshi taǵaıyndalatynyn jetkizgenimen, baspana jaıly tis jarmaıdy.
Ǵaınıjamal apaı bar ǵumyryn eńbekpen ótkizgen. Tyń ıgerý jyldary vagonǵa astyq tıegen, júk tasymaldaǵan. Zeınetaqysy–30 myń teńge ǵana. Qarttar úıine barýǵa úzildi-kesildi qarsy.
Bar armany–qurqyltaıdyń uıasyndaı ǵana jyly oryn . Basqa eshteńe dámetpeıdi.
О́mir Esqalı.
Derekkóz: KTK arnasy.
Sýret: egemen.kz