Jańa oqý jylynyń bastalýyna bir aıdan sál-aq astam ýaqyt qaldy. Al ýaqyt alǵa ozǵan saıyn qaladaǵy № 11 orta mekteptiń oqýshy-muǵalimderi, sondaı-aq ata-analar kúpti kóńilmen kúı keshýde. Atalǵan mektep máselesi jóninde jergilikti basylymdar da jarysa jazýda. Biraq, ókinishke qaraı, odan shyǵyp jatqan qorytyndy shamaly sekildi.
Endi bul máseleniń mánisine úńiletin bolsaq, jaǵdaı tómendegideı. Iаǵnı, osydan 16 jyl buryn ábden tozyǵy jetken eski mekteptiń tóbesi tutasymen qoparylyp ishke túsedi. Sodan bularǵa ýaqytsha dep qurylysshylardyń jataqhanasy beriledi. Sóıtip, mine, birneshe jyldan beri mundaǵy 1400 oqýshy bólmeleri aıadaı, dálizderi qýyqtaı tar jerde syǵylysyp keledi.
“Jyǵylǵanǵa judyryq” demekshi, osydan tórt jyl buryn endi álgi jataqhana-mekteptiń bir jaq qabyrǵasy qaqyrap, edennen tóbege deıin kisi judyryǵy syıatyndaı jaryqshaq paıda bolady. Jaryqshaqty qansha jamap-jasqaǵanmen eshteńe shyqpaǵan soń, mektep dırektory Natalıa Fesenko mekteptiń sol aqaýly tusyn bekitip tastaýǵa májbúr bolady. Solaısha mektep tipti taryla túsedi. Sol sebepten de oqýshylardyń bir bóligin kórshidegi № 22 mektepke ornalastyrýǵa týra keledi.
Endi ne istemek kerek degen suraq týyndaǵanda, bul mektep úshin jańa ǵımarat salýǵa múmkindik bolmaı, jańadan eki korpýsty turǵyzý jóninde sheshim qabyldanady. Biraq alǵashqyda qarqyndy bastalǵan jumys sońǵy bir jarym jyl boıy qozǵalyssyz turyp qalady. Abyroı bolǵanda, bıylǵy kóktemde atalǵan mektepte oblys ákimi Berdibek Saparbaev bolyp, mundaǵy máselege ábden qanyqqan soń tıisinshe sheshim qabyldanady. Sodan keıin-aq toqtap qalǵan qurylysqa qaıtadan jan bitedi. Alaıda qaısybir qurylys materıaldary ýaqytynda jetkizilmegendikten mundaǵy jumys taǵy da saıabyrlap qalady. Soǵan baılanysty qurylysshylar jańa oqý jylyna deıin jańa korpýstar tolyq daıyn bolmaıtyndyǵyn moıyndap otyr.
Onyń ústine eski ǵımarattaǵy qaýipten qutylýdyń joly da óz sheshimin tabar emes. О́ıtkeni, munda da barlyq másele qarjyǵa kelip tirelýde. Aıtalyq, ondaǵy tek jobalaý jumystarynyń quny ǵana bir mıllıon teńgege jýyq. Jalpy oǵan qansha qarjy ketetini, ony kim beretini de áli belgisiz. Sondyqtan oqýshylar men muǵalimderdiń, ata-analardyń kúpti kóńili seıiler emes.
Osy oraıda, mektep dırektory Natalıa Fesenkonyń qalalyq máslıhattyń depýtaty ekendigin de aıta ketsek deımiz. Al depýtat óz mektebindegi osyndaı qıyn ahýaldy túzeı almaı jatsa, basqaǵa ne joryq? Qalaı desek te, bul máselege baılanysty tezdetip tııanaqty sheshim qabyldanbasa, erteń kesh bolary anyq.
Dáýlet SEISENULY. Semeı.