Kontrabandanyń joly kesildi

Shekaradan zańsyz zat alyp ótý úshin kontrabandashylar ártúrli qýlyqtarǵa barady. Sonymen, aǵymdaǵy jyldyń 26 shildesinde О́skemen shekara otrıadyna qarasty “Qyzyl aýyl” zastavasynyń shekara narıadymen Qa­zaqstannan Reseıge bettegen BTR-60 aýyr kó­li­g­iniń qozǵalysyn ańǵaryp qalady. Memle­ket­tik shekaraǵa BTR-60 aýyr kóligi jaqyndaǵanda shekarashylar júrgizýshige kólikti toqtatýdy talap etedi. Biraq BTR júrgizýshisi bul talapty oryndamaıdy. Otan saqshylary zań buzý­shynyń sońyna túsedi. Memlekettik shekara mańynda kólikti toqtatý maqsatynda shekara narıady eskertý oǵyn atqan. Biraq, bul áreket te BTR-60 kóliginiń júrgizýshisin toqtatqan joq. Shekarashylar kólikti toqtatý úshin BTR-60 dońǵalaqtaryna oq jaýdyrdy. Is kesýshilerden qashyp qutylý maqsatynda kontrabandashylar BTR-60 aýyr kóliginen “Qyzyl aýyl” shekara zastavasy áskerı kyz­metshileri mingen máshıne dońǵalaqtarynyń as­tyna júk laqtyrady. Aram oıly zań buzý­shylardyń bul áreketi shekarashylarǵa tos­qaýyl bolmady. Shekara narıadynyń bilikti áreketteriniń ar­qasynda kólik toqtatyldy. Reseı Federa­sııa­synyń úsh azamaty quryqtaldy. Tekseris ba­ry­synda anyqtalǵandaı, BTR kóligi to­lyǵymen halyq tutynatyn taýarlarǵa lyq tıelgen eken. Atalmysh derek boıynsha tergeý amaldary júrgizilýde.