Memleket basshysy Nursultan Nazarbaev Jambyl oblysynyń ákimi Qanat Bozymbaevty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Q.Bozymbaev Prezıdentti aǵymdaǵy jyldyń 7 aıyndaǵy oblystyń áleýmettik-ekonomıkalyq damý qorytyndylary týraly habardar etti.
Esepti kezeń ishinde ónerkásip óndirisiniń ósimi 9 paıyzdan astamdy, sonyń ishinde taý-ken salasynda – 29 paıyzdy qurady. Aýylsharýashylyq óndirisi ósip keledi. Oblysta is júzinde astyq jınaý naýqany aıaqtaldy – 230 myń tonnadan astam dán qyzyldandy, astyqtyń ortasha ónimdiligi gektaryna 15,5 sentnerge jýyq. Oblysta jumyssyzdyq azaıdy, Jambyl oblysynyń 4,5 myńnan astam turǵyny “Batys Eýropa – Batys Qytaı” avtomobıl joly qurylysynda jumysqa ornalasty.
Kezdesý kezinde sondaı-aq Halyq Qaharmany, Keńes Odaǵynyń Batyry Baýyrjan Momyshulynyń 100 jyldyǵyn merekeleýge ázirlik barysy týraly áńgime boldy.