Aqjaıyqtan esken án samaly aqtóbede qalyqtady

Oblys ortalyǵyndaǵy “Dostyq” úıinde Batys Qazaqstan oblysynyń óner sheberleriniń usynýymen ótken “Aqjaıyq — án ólkem” atty ádemi kesh aqtóbelik kórermenderdiń kó­ńilinen shyqty. Alashtan án ozdyr­ǵan Muhıt Meráliuly, Ǵarıfolla Qurmanǵalıev, dáýlesker kúıshiler Dáýletkereı, Dına sııaqty nebir dúl­dúlder dúnıege kelgen óńir óner­pazdarynyń óresi bıik ónerin tama­shalaýǵa aqtóbelikter kóp jınaldy. “Dostyq” úıiniń úlken zaly kó­rermenderge lyq toldy. Zalda ıne shenshar jer bolmaýynyń ózi ha­lyq­tyń ulttyq ónerimizge shólirkep qalǵanyndaı áser etti. Eki oblystyń mádenıet basqar­ma­larynyń kelisimimen Batys Qa­zaqstan oblysynyń shyǵarmashy­lyq ujymdary jáne óner qaı­rat­kerleri, barlyǵy 170 adamnan qu­ralǵan úlken top usynǵan keńeı­til­gen konserttik baǵdarlamany aq­tó­belikter men birge kórshiles Batys Qazaqstan jáne Aq­­­tóbe oblys­ta­rynyń ákimderi – Baq­tyqoja Iz­mu­hambetov pen Eleý­sin Saǵyndyqov ta tamashalap otyrdy. Ádemi keshtiń shymyldyǵyn Qa­zaqstannyń eńbek sińirgen qaırat­keri Qyrymgereı Qajymovtyń dı­rıjerlik etýimen Dáýletkereı atyn­daǵy halyq aspaptar orkestri Qur­manǵazynyń “Balbyraýyn” kúıimen kúmbirlete ashty. Odan soń sahnaǵa kóterilgen halyqaralyq baıqaý­lardyń laýreaty Aqmaral Ahmetova “Azattyq áni — Mahambet” ánin as­qaqtata shyrqap, halyqtyń patrıot­tyq rýhyn bir kóterip tastady. Qazaqstannyń eńbek sińirgen mádenıet qyzmetkeri Qatımolla Ber­diǵalıev jerlesimiz Ǵazıza Ju­banovanyń “Jyr jazamyn júre­gim­nen” ánin naqyshyna keltire or­yn­­dap, halyqtyń dý qol shapalaq­taýy­na ıe boldy. Al Qazaqstannyń eń­bek sińirgen qaıratkeri Jumaǵanym Raqymova Latıf Hamıdıdiń “Bul­bul” ánin tamyljyta oryndaǵan kez­de kúmis kómeıden tógilgen ásem daý­ys pen oryndaýshylyq sheber­lik­ke súısinbegender kemde-kem. Son­daı-aq keshtiń eń kishkentaı óner­pa­zy – Bókeı ordasy aýdanynan kel­gen tórtinshi synyp oqýshysy Nu­r­ǵı­sa Tólegenov “Ana” ánin oryndap, kórermen kózaıymyna aınaldy. Keshtiń sońynda tolyq quramda sahna tórine kóterilgen oraldyq óner sheberleri kompozıtor Eskendir Hasanǵalıevtiń “Atameken” ánin asqaqtata shyrqady. Ádemi keshtiń áseri baýraǵan aqtóbelikter dýyldata qol soǵyp turyp aldy. Osy sátte Aqtóbe oblysynyń ákimi Eleýsin Saǵyndyqov sahna tórine kóterilip, kórshi oblystyń óner sheberlerine alǵysyn aıtyp, Ǵarıfolla Qur­man­ǵalıev atyndaǵy Batys Qazaqstan oblystyq fılarmonııasyna aqtó­be­likter atynan sheteldik shaǵyn avtobýsty syılady. Satybaldy SÁÝIRBAI, Aqtóbe oblysy.