QARAǴANDY. 18 qańtar. Qaraǵandy qalasynda tóbelesip jatqandardy tártipke shaqyrǵan polısııa qyzmetkeri taıaqqa jyǵyldy. Bul týraly oblystyq ishki ister departamenti baspasóz qyzmetine silteme jasaǵan egemen.kz tilshisi habarlady.
Oqıǵa oblys ortalyǵyndaǵy «Granat» karaoke-barynda oryn alǵan. Tóbelesken eki jigitti jónge salý úshin shaqyrý boıynsha jetken polısııa qyzmetkerlerine 23 jastaǵy buzaqy qatty qarsylyq kórsetken. Atap aıtqanda, ol Qaraǵandy qalalyq ishki ister basqarmasy jol-patrýldik polısııasy polkiniń serjantyna qol jumsap, dene jaraqatyn salǵan.
Qazirgi ýaqytta osy oqıaǵa boıynsha sotqa deıingi tergeý amaldary júrgizilýde.
Kúdiktiniń spırtti ishimdik ishken-ishpegeni tekserilgennen keıin, ol eshqaıda ketpeý týraly qolhatpen úıine bosatyldy.
Qaırat Ábildınov.
Derek, sýret: egemen.kz.