ASTANA. 18 qańtar. Almatyda azamattardy shaqyrý ýchaskelerine tirkeý bastaldy. Bul týraly egemen.kz tilshisi habarlady.
2016 jylǵy qańtar men naýryz aralyǵynda 1999 jyly týylǵan jetkinshekterdiń sany men áskerı qyzmetke ázirlik dárejesin aıqyndaý úshin áskerı esepke alynady. Jergilikti áskerı basqarýdyń atqarý organdarynyń sheshimi boıynsha azamattardyń jaramdylyǵyn anyqtaý úshin medısınalyq komıssııa qurylady.
Medısınalyq komıssııanyń sheshimi boıynsha bozbalalardyń densaýlyq jaǵdaıy turǵysynda shamaly shekteýler tabylsa, olardy emdeý mekemelerine joldaıdy.
Tirkeý barysynda tárbıe-patrıottyq sıpatqa ıe QR QM joǵary oqý oryndaryna túsý boıynsha úgit-nasıhat jumysy júrgiziledi. Shaqyrylýǵa deıingi bozbalalar áskerı esepke alynýdyń birqatar qaǵıdalaryn saqtaýy tıis. Erejeni buzǵan kezde olar ákimshilik jaýapkershilikke tartylýy múmkin. Kelesi jyly olar jańa qujat, ıaǵnı, tirkeý kýáligimen barady jáne olar úshin bul komıssııa shaqyrý komıssııasy bolyp atalady.
Jyl basynan Qazaqstanda azamattardy shaqyrý ýchaskelerine tirkeý bastalǵanyn esterińizge sala keteıik. 2016 jylǵy qańtar men naýryz aralyǵynda áskerı esepke 1999 jyly týylǵan 100 000-ǵa jýyq qazaqstandyq qabyldanady. Tirkeý jergilikti atqarý organdarynyń qorǵanys isteri jónindegi basqarmalary arqyly júzege asyrylady. Olardyń sheshimi boıynsha azamattardy medısınalyq kýálandyrýdan ótkizý úshin medısınalyq komıssııa qurylady.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.