ATYRAÝ. 18 qańtar. Atyraý oblysynyń Saǵyz aýylynda bir otbasynyń 7 adamy tabıǵı gazdan ýlanyp, jergilikti aýrýhanaǵa tústi. Bul týraly egemen.kz tilshisi habarlady.
Saǵyz aýyly – Qyzylqoǵa aýdanyndaǵy eń iri eldi mekenniń biri. Tabıǵı gaz, aýyz sý jelileri tartylǵandyqtan, bul eldi mekenge kóship kelýshiler qatary kóbeıip otyr. Alaıda, ótken aptada osynda bir otbasynyń 7 adamy tabıǵı gazdan ýlaný belgilerimen dárigerlerge júginýine týra keldi. Iаǵnı, bir shańyraqtyń astynda turatyn ata men áje, áke men sheshe, sonymen birge, 2008, 2009 jáne 2015 jyldary dúnıege kelgen úsh bala jergilikti aýrýhanaǵa jatqyzyldy. Qazir olarǵa medısınalyq kómek kórsetilýde.
Joldasbek Shópeǵul.
Derek: egemen.kz.
Sýret: facenews.ua.