ASTANA. 18 qańtar. Iraktyń Ramadı qalasynda jarylǵan mınadan kem degende 13 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
«Ál-Jazıra» telearnasynyń málimdeýinshe, jergilikti áskerıler men sodyrlar arasyndaǵy qaqtyǵystan qala halqy qaýipsiz aımaqqa kóship úlgermegen.
2015 jyldyń 28 jeltoqsan kúni Iraktyń áskerı jasaǵy, Anbar provınsııasynyń ákimshilik ortalyǵy Ramadı qalasyn, sodyrlar tobynan bosatyp alǵany jóninde aqparat taraǵan. Alaıda, áli kúnge deıin olardyń sanaýly bólikteri qala ishin torýyldap júr. Al 30 jeltoqsan kúni atalǵan provınsııanyń gýbernatory Sýheııb-ar-Raýı qylmystyq toppen kúres áli de bolsyn Ramadı qalasynda júrip jatqanyn aıtty.
Aıta keteıik, sodyrlar uıymy 2014 jyldyń jazynan beri Iraktyń soltústigi men batysynda shabýyl jasap keledi. Álemdik qoldaý men maıdan alańyndaǵy jeńisterine qaramastan el basshylyǵy áli kúnge deıin bılikti tolyǵymen óz qoldaryna ala almaı keledi. Irak jeriniń úshten bir bóligin lańkester toby basqarýynda.
Aıan Ábdýálı.
Derek: TASS.
Sýret: ru.euronews.com.