ASTANA. 18 qańtar. Reseıdiń Omby qalasynda avtomobılge shana baılap syrǵanaǵan jas jigit qaıǵyly jaǵdaıǵa dýshar bolyp, qaza tapty. Al kólikti basqaryp otyrǵan onyń dosy bul kezde ishimdik iship alǵan. Bul týraly ntv.ru-ǵa silteme jasaǵan egemen.kz tilshisi habarlady.
Reseı Federasııasy Ishki ister mınıstrligi aımaqtyq basqarmasynyń habarlaýynsha, oqıǵa keshe Chernolýche aýylynyń mańynda bolǵan. Kólikti qaza tapqan jannyń dosy basqarǵan. Burylys kezinde shana joldyń qarsy betine shyǵyp ketedi. Al ol kezde qarsy baǵytta Jeep Grand Cherokee kóligi kele jatqan. Salǵyrttyq saldarynan shanadaǵy er adam sol kóliktiń astyna túsip, kóz jumdy.
Sonymen qatar, atalǵan vedomstvonyń habarlamasynda: «1965 jyly týǵan júrgizýshi «Skazka» demalys ornyna aparar jolda 1990 jylǵy er adamdy kóligimen basyp ketti. Jol-kólik apaty saldarynan jas jigit oqıǵa ornynda qaza tapty. Sondaı-aq, Mitsubishi kóliginiń júrgizýshisi – 1988 jyly týǵan er adamnyń mas kúıde rólge otyrǵany anyqtaldy. Qazirgi tańda oǵan qatysty ákimshilik is qozǵaldy», – delingen.
Elaman Qońyr.
Derek: ntv.ru.
Sýret: 07kbr.ru.