ASTANA. 18 qańtar. AQSh keıbir Iran kompanııalary men jeke tulǵalarǵa qarsy jańa sanksııalardy engizdi. Bul Irannyń ballıstıkalyq zymyrandardy synaqtan ótkizýine jaýap retinde jasalǵan áreket boldy. Bul týraly ntv.ru-ǵa silteme jasaǵan egemen.kz tilshisi habarlady.
Atalǵan zymyrandar 2015 jyldyń qarasha aıynda synaqtan ótkizildi. Osylaısha, Iran BUU Qaýipsizdik keńesiniń eki birdeı qararyn buzǵan.
Jańa sanksııa Iran zymyran baǵdarlamasyna qatysy bar 11 kompanııa men azamattarǵa amerıkalyq bank júıesin paıdalanýǵa tyıym salady. Sondaı-aq, Barak Obama AQSh-tyń «Iranda adam quqyǵynyń buzylýyna baılanysty, Iran tarapynan terrorızmdi qoldaý jónindegi jáne Iran zymyran baǵdarlamasyna qatysty» sanksııalardy qoldaýdy jalǵastyratynyn aıtty.
Aıta keteıik, keshe resmı túrde Batystyń Iranǵa qatysty sanksııalary alynyp tastaldy.
Elaman Qońyr.
Derek: ntv.ru.
Sýret: gblor.ru.