ASTANA. 19 qańtar. Fransııa prezıdenti Fransýa Olland qazir «Fransııa ekonomıkasy tótenshe jaǵdaıda» turǵanyn málimdedi. Bul týraly TASS deregine silteme jasaǵan egemen.kz habarlady.
Ollandtyń aıtýynsha, jumyssyzdyqtyń joǵary deńgeıimen kúresý úshin 2 mlrd. eýro qarjy jumsalatyn bolady.
Endi ekonomıkalyq problemalardy sheshý úshin jańa sharalar kerek. «Alaıda, memleket basshysy bulardyń salyqty kóbeıtý esebinen sheshilmeıtinine ýáde berdi», - dep habarlady France24.
Fransııanyń basty problemalarynyń biri jumyssyzdyq deńgeıiniń joǵarylyǵy bolyp otyr. Muny fransýz prezıdenti «turǵyndar úshin qaýipsizdikten de joǵary turǵan jalǵyz másele» retinde atap ótti. Jumyssyzdyqpen kúresý úshin el bıligi 2 mlrd. eýro somasynda qarjy jumsaýdy josparlap otyr.
Qazir Fransııadaǵy jumyssyzdyq 10 paıyz (3,6 mln. adam) shamasyn quraıdy.
Olland reforma qarqynynyń jedeldetiletinin baıandady. Adamdarǵa jumys oryndaryn qaıtaryp berýdiń endigi basty kilti ınnovasııa bolmaq.
Rýslan Igilik.
Derek, foto: TASS.