ASTANA. 21 qańtar. Birikken Ulttar Uıymynyń ekonomıkalyq jáne áleýmettik keńesi «Álemdegi ekonomıkalyq jaǵdaı jáne onyń bolashaǵy» atty baıandamasynda Brent markaly munaıdyń osy jylǵy ortasha kórsetkishi barreline 51 dollardy quraıtyny týraly boljam jasaǵanyn málimdedi. Bul týraly TASS aqparat agenttigine silteme jasaǵan egemen.kz tilshisi habarlady.
Baıandama 2015 jyldyń sońyna taman daıyndalǵan. Al sońǵy aptada baǵanyń kúrt tómendegeni esepke alynbady.
«Eger de 2016 jyly munaıǵa degen suranys artyp, al óndiris kórsetkishi qazirgideı qalar bolsa, baǵasy barreline 51 dollardy quraýy múmkin, al 2017 jyly 62 dollarǵa deıin barady degen boljam jasalady», – deıdi baıandamada.
Sarapshylardyń boljamy boıynsha, bıyl munaı jetkizilimi ótken jyldyń kóleminde bolady (BUU-nyń esebimen kúnine 95,9 mıllıon barrel). Alaıda, AQSh-tyń munaı óndirýi kúnine shamamen 400 myń barrelge deıin azaıady dep topshylaıdy.
Al satyp alýshy memleketterde munaı qory artady. BUU mamandarynyń pikirinshe, Eýropa ekonomıkalyq yntymaqtastyqtyq jáne damý uıymyna múshe elderde 2014 jyldyń sońyna taman 2,7 mıllıard barrelge jetken jáne bul kórsetkish aldaǵy jyldary artyp, rekordty deńgeıge jetedi.
Aıan Ábdýálı.
Derek: TASS.
Sýret: mignews.com.