Saýd Arabııasynyń Et-Taıf qalasynda turatyn 70 jastaǵy er kisi óziniń eki áıeli syı retinde... úshinshi áıel alyp bermek bolǵanda, qatty tańdanǵanynan úni shyqpaı qalypty. Munyń qaljyń emes, shyndyq ekenine kózi jetkende de otaǵasynyń tańdanysynda shek bolmapty.
Al kúıeýlerinen kóp kishi eki áıel ózara aqyldasa kelip, ózderi qatty syılaıtyn oǵan úshinshi áıeldi tartý etkendi jón kóripti. Olar munymen de shektelmeı, úı ıesine saı keletin boıjetkendi ózderi tańdap jáne ony kelistirip qoıypty. Sóıtip, úılený toıynyń rásimin de ózderi bastap ketken.
«Men basynda munyń bárin ózimdi aqymaq etýdiń joly shyǵar dep oılaǵam. Biraq olardyń sonshalyqty berilip istep jatqan tirlikterin kórgende, senbeske amalym qalmady. Muny eki áıelim maǵan degen qurmetteri men alǵys sezimderinen týǵan nárse ekenin aıtyp jetkizdi», – deıdi jubaılary áreketinen asyp-tasqan Avad bın Aýaımer As-Sýaıbı esimdi aqsaqal.
Avad qarııanyń úılený toıy Et-Taıfte eki áıeliniń muqııat qadaǵalaýlary men qyraǵy kózben qaraýlary aıasynda ótti. Áıelder óz kúıeýlerine «bal aıyn» da uıymdastyryp berdi.
«Men olardyń maǵan jasaǵan bul jaqsylyqtaryn eshqashan umytpaımyn», – deıdi musylman ataı jadyrańqy júzben.
Damır QOJAMQUL.