«Álemdik klassıka jaýharlary»

Almatydaǵy MEGA saýda ortalyǵynda án saldy Atalmysh saýda-oıyn-saý­yq ortalyǵynda al­ma­ty­lyq­tardy eleńdetken «Álem­dik klas­sıka jaýharlary» at­ty erek­she konsert ótti. Konserttik baǵdarlamanyń avtory QR eńbek sińgen qaı­ratkeri Gúlnar Jıdılovanyń aıtýynsha, búginde Ermek Ser­kebaev, Bıbigúl Tólegenova, Álibek Dinishev sııaq­ty áıgili tulǵalardyń orny bó­lek. Biraq ýaqyt bir orynda tur­maıdy. Qazirgi jas oryndaýshylar óz zamanymen ilese kelip, ope­ra­lyq ónerge jańa óris, tamasha shyǵarmashylyq jańalyqtar engizýde. Teatrda daryndy jas­tar ósip, býyn almasýda. Teatr da bu­rynǵydaı kórermenge tapshy emes. – Alaıda, qazirgi tańda adam­­dardyń kóbisiniń qoly bos emes, qarbalas tirshilik. Son­­­dyqtan, klassıkalyq óne­ri­mizdiń nasıhattalyp jatqany durys. Múmkin, bolashaq kó­rermenderimizdiń bir­qatary saýda-oıyn-saýyq orta­ly­ǵynda bizben birinshi ret tanysyp, qyzyǵýshylyq tanytyp, min­detti túrde teatrǵa keler. Kon­sert kezderinde bizder solıs­terge qyzyǵa, tańdana qaraǵan balalardyń júzine qarap, keleshek kórer­mende­rimizdi tanımyz. Osy­laısha ónerge baýlımyz, – deıdi Gúl­nar Jıdılova. Sol sııaqty, joba avtorlary Keńes ókimeti kezinde Ope­­ra teatry sanatorıılerde, de­a­lys úılerinde, qoǵamdyq oryndarda konsert bergeni týraly aıtady. Uly Otan soǵysy jyldary teatrlyq ujymdar maıdanda jáne maıdan aldy aýdandarda ónerlerin kórsetken.Olardyń arnaıy attary bolǵan – «maıdan brıgadalary». QR eńbek sińirgen qaıratkeri Bolat Jomartov teatr sahnasynan tys, túrli jaǵdaılarda ju­mys isteý úshin, ártiske syrt­­­qy fak­torlardan abstraksııa­la­nýdy úırený qajettigin alǵa tartady. – Negizi operalyq óner – bul ekstremaldy óner. Biz kóp­­­­shilikke «esh saqtyq shara­la­rynsyz», «mınýsovka­syz», «plıý­sovkasyz» (fono­gram­ma­syz) shyǵamyz. Esh­qandaı kom­pıýter daýysty árlemeıdi já­ne túzetpeıdi. Biz tabıǵı ónerimizdi kórsetemiz. Kez kelgen jaǵdaıda, teatrda nemese bas­­qa alańda fors-major, ıaǵ­nı, jaısyzdyq bolýy múmkin. Osy jerde qaýyshqan ja­ńa tyń­­dar­mandarymyzdy Abaı atyn­daǵy Opera jáne balet tea­t­­ryn­daǵy spektakl­deri­mizde kú­­temiz» – de­di Bolat Jomartov. Sonymen saýda ortaly­ǵy­nyń sýburqaǵynyń janyn­da ótken óner sherýinde Qa­zaq­stannyń eńbegi siń­gen qaı­ratkerleri Dına Dútmaǵam­be­tova, Bolat Jomartov, Mem­le­kettik syılyqtyń laýrea­ty Talǵat Kúzembaev, basqa da Ve­ne­ra Alpysbaeva, Anastasııa Kojý­harova, Torǵyn Smaılova, Dana Talaspekova, Ilona Ten, Halıd Nýralıev, Darhan Jol­dy­baev, Bolat Qanaǵatov, Maq­sat Mahulbekov syndy solıs­ter áıgili shetel jáne qazaq kompo­zıtorlarynyń: Gaetano Donı­settı, Djakomo Pýchchını, Frans Legara, Iogann Shtraýs, Djoak­kıno Rossını, Sydyq Muha­medjanovtyń, Evgenıı Brýsı­lovskııdiń opera men operettalarynan shyǵarmalar oryndady. Aınash ESALI, «Egemen Qazaqstan». ALMATY.