«Tótenshe jaǵdaıdaǵy erligi úshin» tósbelgisimen marapattaldy
О́tken jyldyń jazynda Qurmanǵazy aýdanynda turatyn Ermahan men Beıbarys esimdi qos órenniń ózenge batyp bara jatqan áıeldi qutqarǵany týraly jazǵan edik. Sol oqıǵany qysqasha baıandar bolsaq, jazdyń aptap ystyǵynda sýǵa túsip, boı sergitýge kelgen olar kómek suraǵan áıeldiń daýysyn estigen. Qas-qaǵym sátte ekeýi de óz ómirlerin qaterge tigip, ózenge sekiredi. Sóıtip, kómek kútip arpalysqan anasyndaı jandy sýdan alyp shyqqan. Olardyń erlikke para-par isi eskerýsiz qalmady. Ekeýi de «Tótenshe jaǵdaıdaǵy erligi úshin» tósbelgisimen marapattaldy.
Burnaǵy kúni oblys ákimi Baqtyqoja Izmuhambetov alys aýdanda turatyn Ermahan men Beıbarysty Atyraýǵa arnaıy shaqyrdy. О́ńir basshysy qys mezgilindegi tótenshe jaǵdaılardyń aldyn alý jáne joıýdyń is-sharalary týraly máselege qanyqqan oblystyq máslıhat depýtattary aldynda Ermahan Nasıhan men Beıbarys Qaırollaulyna atalǵan tósbelgilerdi tapsyrdy. Sonymen birge, erjúrek balalarǵa baǵaly syılyqtar usyndy.
ATYRAÝ.
Sýretti túsirgen
Rahym QOILYBAEV.