ASTANA. 22 qańtar. Nıkaragýada jolaýshylar avtobýsy apatqa ushyrap, 5 adam qaza tapty. Sondaı-aq, 50 jolaýshy túrli jaraqat aldy. Bul týraly TASS aqparat agenttigine silteme jasaǵan egemen.kz tilshisi habarlady.
Oqıǵa beısenbi kúni Matagalpa departamentinde boldy. Aldyn-ala boljam boıynsha, apattyń negizgi sebebi, kóliktiń tejegish júıesiniń isten shyqqanynan bolýy múmkin. Osydan soń, arnaıy qoıylǵan tosqaýyldy soǵyp ótip, tereńdigi úsh metr bolatyn jyraǵa qulap ketti.
Qutqarý jumystaryna órt sóndirýshiler, Qyzyl krest uıymy jáne jergilikti turǵyndar jumyldyryldy. Apat ornynda quqyq qorǵaý organynyń qyzmetkerleri tergeý jumystaryn júrgizýde.
Aıan Ábdýálı.
Derek: TASS.
Sýret: 24tv.ua.