ASTANA. 22 qańtar. AQSh-tyń Kınematografııalyq óner jáne ǵylym akademııasy aldaǵy bes jyl kóleminde «Oskar» syılyǵynyń «Úzdik fılm» sanaty boıynsha úmitkerler sanyn segizden onǵa arttyrýdy josparlady. Bul týraly TASS aqparat agenttigine silteme jasaǵan egemen.kz tilshisi habarlady.
Ekinshi jyl qatarynan úmitkerler arasynda birde-bir afroamerıkandyqtyń bolmaýyna baılanysty tanymal akterler narazylyqtaryn bildirgen bolatyn. Osy sebepti akademııa músheleri jańa reformalar qabyldaýdy qolǵa aldy. Sondaı-aq, ózge de sanattar boıynsha úmitkerler sanyn arttyrý josparlandy. Al saltanatty keshte syılyq ıesi anyqtalǵan soń, upaı sanyn qaıta esepteý týraly ereje qabyldanbaq.
The Los Angeles Times basylymynyń habarlaýynsha, qazirgi kezde akademııa ishinde 6 myńnan astam qyzmetker bar, onyń 94 paıyzy – aq násildi.
Aıta keteıik, «Oskar» syılyǵynyń úmitkerleri belgili bolǵan soń, qara násildi tanymal akterler óz narazylyqtaryn bildirgen. Alǵash bolyp, Ýıll Smıttiń jubaıy Djada Pınkett-Smıt «Oskar» syılyǵyna boıkot jarııalaǵan bolsa, artynsha Ýıll Smıttiń ózi de qosyldy.
Aıan Ábdýálı.
Derek: TASS.
Sýret: naviny.by.