Álem-jálem álem
Brıtanııanyń Morkam qalasynda turatyn erli-zaıypty Sıý jáne Noel Redfordtar bıylǵy jyly ómirge 19-shy balalaryn ákelgeli tur.
Tuńǵysh perzentin 14 jasynda kóterip qoıǵan 40 jastaǵy áıel qazir júktiliginiń úsh aıdan asqanyn málimdedi. Al naýbaıshy bolyp jumys isteıtin 45-tegi otaǵasy osy kezge deıin eshbir nesıe alyp kórmegenin, balalaryn ózi asyrap kele jatqanyn maqtanyshpen aıtty.
Baqanyń tilin baqa biler
Ǵalymdar byltyr eldiń San-Paýlý shtatyndaǵy ormannan tabylǵan bul qurbaqalardyń bir-birlerimen sóılesetin ózara túsinikti tili bar ekenin anyqtady.
Olardyń árbir qurqyldaýy men dybys shyǵarýy sózdik qoryn quraıdy. Buǵan qosa, jándikter aıaqtary men alaqandaryn qozǵalysqa túsirý arqyly da belgili bir uǵymdar ısharasyn bildiredi eken.
Afrıkalyq qart áıel 5 nemeresiniń óligin muzdatqyshtan aldy
Ońtústik Afrıka Respýblıkasynyń Kakamas qalasynda turatyn qart áıel 5 birdeı nemeresiniń óligin kóshede buzylyp turǵan muzdatqysh kamerasynan tapty.
Polısııanyń málimeti boıynsha, bir úıdiń jastary úshten jetige deıingi aralyqtaǵy balalary aýlada oınap júrip, sonda buzylyp turǵan muzdatqyshtyń kamerasyna kiredi. Olar oınap jatqanda esik jabylyp, ashylmaı qalady. Osydan keıin balalardyń birde-birine syrtqa tiri shyǵýdy jazbapty.
«Barselonanyń» oıynshysy salyq tólemegeni úshin túrmege tústi
Ispanııadaǵy Katalonııa soty «Barselona» komandasynyń jartylaı qorǵaýshysy Haver Maskeranoǵa qatysty úkim shyǵardy.
Sottyń sheshimimen belgili fýtbolshy salyǵyn tólemegeni úshin bir jylǵa túrmege otyryp, 815 myń eýro kóleminde aıyp-pul tóleıtin boldy. Biraq Ispanııa zańnamasy boıynsha, eki jyldan tómen jaza alǵan jáne buryn sotty bolmaǵan tulǵa bul jazany shartty túrde de óteı alady.
Qytaıda pasıenttiń ishinen 6 metrlik qurt shyqty
Qytaıdyń Shııan qalasyndaǵy klınıkalardyń birinde dárigerler pasıenttiń ishinen uzyndyǵy 6 metrge jetetin qurtty shyǵardy.
Munyń aldynda 38 jastaǵy naýqas kún sanap salmaǵynyń kemip bara jatqanyn, álsin-álsin qusqysy kele beretinin baıqaǵan. Aıtýynsha, eki jyl boıy ishi búrip aýyrǵan, qan azdyqtan zardap shekken. Al medıkamentozdyq terapııa gáptiń nede ekenin birden anyqtap bergen.
Saýd Arabııasynda shahmat oınaý da kúnáǵa jatqyzyldy
Saýdııanyń joǵarǵy mýftıi shahmat oıynyn ıslam sharıǵatyna sáıkes kelmeıdi dep sheshti.
Abdýl-Azız ıbn Abdýllah Al ash-Sheıh muny jańa qaǵıdat-fetvterdi taratýǵa arnalǵan teleshoý barysynda málimdedi. Mártebeli dinbasy buǵan aıǵaq retinde aqsha tigip oınaıtyn bolǵandyqtan, shahmattyń da «qumar oıyndarǵa» jatatynyn keltirdi.
Egıpet sheteldikterge qyz satýdy zańdastyryp berdi
Mysyrda jaqynda qabyldanǵan neke týraly zań sheteldikterdiń jergilikti qyzdarǵa ýaqytsha úılenýlerine jol ashyp qoıdy.
Zańǵa sáıkes, endi perǵaýyndar eline kelgen meımandar ózinen 25 jas jáne odan da kóp kishi qyzdar úshin bankke 50 myń egıpet fýnty (6383 dollar) kóleminde aqy tóleıdi de, olardy «týrıstik» nemese «maýsymdyq» sıpatta áıel etip ala beredi.
Aqparat agenttikteriniń materıaldary negizinde daıyndaldy.