Qyraǵylyqtary úshin – arnaıy marapat

«Lokomotıv» – «Astana lokomotıv paıdalaný deposy» AQ-tyń lokomotıv brıgadasy fılıalynyń mashınısteri Marat Sáttibaev pen Dáýren Raqymjanov temirjoldaǵy apattyń aldyn aldy, dep habarlady «QTJ» UK» AQ-tyń baspasóz qyzmeti. «Lokomotıv brıgadasy lokomotıvten keıingi birinshi vagonnyń aqaýy bar ekenin baıqap qaldy. Mashınıst durys sheshim qabyldap, durys is-qımyl tanytty», – dep atap ótti oqıǵaǵa oraı Astana lokomotıv paıdalaný deposynyń dırektory Maqsut Ibraev. «Osy kúni qatty jel soǵyp, qarly boran uıytqyp turdy. Biraq biz birinshi vagonnyń shaıqalaqtap kele jatqanyn kórip, jyldamdyqty baıaýlattyq, al Irchenko stansasyna kelgen kezde vagondy aǵytyp tastadyq», – deıdi mashınıst Marat Sáttibaev. «Biz vagonnyń joldan shyǵyp ketýine jol bermeýge tyrystyq, óıtkeni, onyń artynan quramdaǵy basqa 73 vagon da shyǵyp ketýi múmkin edi. Sóıtip, baılanys jelisi men temirjol relsi zardap shegetini túsinikti bolatyn. Osynyń saldarynan atalǵan ýchaskede júk jáne jolaýshylar qozǵalysy toqtap qalatyn edi», – deıdi mashınıst. Oqys jaǵdaıda kórsetken qyraǵyly úshin mashınıs­ter M.Sáttibaev pen onyń kómekshisi D.Raqymjanov Astana lokomotıv deposy basshylyǵynyń atynan alǵys hat pen aqshalaı syılyq aldy.