Aqmola oblystyq ádilet departamenti Maǵjan Jumabaev atyndaǵy oblystyq ǵylymı ámbebap kitaphanasymen birlesip, Qazaqstan Respýblıkasy Prezıdentiniń «Qazaqstan jańa jahandyq naqty ahýalda: ósim, reformalar, damý» atty Joldaýy boıynsha quqyqtyq dáristeme ótkizdi.
Shara barysynda ádilet departamentiniń atqarý óndirisin qamtamasyz etý basqarmasynyń basshysy Manar Baıǵojına Janaıdar Mýsın atyndaǵy Kókshetaý qazaq pedagogıkalyq kolledji men gýmanıtarlyq-tehnıkalyq lıseı shákirtterine Elbasy Nursultan Nazarbaevtyń «100 naqty qadam» Ult Jospary men 2015 jyldyń 30 qarashasynda halyqqa arnaǵan «Qazaqstan jańa jahandyq naqty ahýalda: ósim, reformalar, damý» Joldaýyn keńinen túsindirip ótti. Sonymen qatar, elimizde osy jospardy iske asyrý maqsatynda birqatar jańa zańdardyń qabyldanǵanyna, jyl aıaǵyna deıin taǵy basqa da zańnamalyq aktilerge ózgerister engizý kózdelip otyrǵanyna toqtaldy.
Pikir almasý kezinde Janaıdar Mýsın atyndaǵy Kókshetaý qazaq pedagogıkalyq kolledjiniń oqýshylary Farıza Enshiles pen Lashyn Amanbek 2017 jyldan bastap jastardyń tegin kásiptik bilim alatynyna, jas býynnyń jumysshy mamandyqtaryn meńgerýi qajettigine qoldaý bildirip, ózderiniń bolashaq týraly oılaryn ortaǵa saldy. Oqý ornynda saılaýǵa daıyndyq sharasy barysynda tuńǵysh daýys berýshiler tizimi ázirlengeni, olarǵa zor jaýapkershilik artylatyny da aıtyldy.
Oblystyq kitaphana janynan qurylǵan «Serper» klýbynyń tóraǵasy Baqytberdi Qýathan zamandastaryn Joldaýdaǵy mindetterdi birlesip júzege asyrýǵa belsene aralasýǵa shaqyrsa, kitaphana qyzmetkerleri daıyndaǵan «Qazaqstan jańa jahandyq naqty ahýalda: ósim, reformalar, damý» kórmesinen de kópshilk keleli oı túıdi.
Baqbergen AMALBEK,
«Egemen Qazaqstan».
Aqmola oblysy.