«Ardager» qoǵamdyq birlestiginiń músheleri QR Prezıdenti N.Á.Nazarbaevtyń Parlament Májilisin taratý jáne onyń depýtattarynyń kezekten tys saılaýyn ótkizý týraly sheshimin qoldaıdy.
Bizdiń elimizde, Prezıdent saıasatynyń arqasynda, tatýlyq, turaqtylyq, qoǵamdyq kelisim qamtamasyz etilýde, sondaı-aq, halyqtyń áleýmettik álsiz toptaryna qoldaý kórsetý boıynsha sharalar kesheni júzege asyrylýda. Eldi qorǵaý men adamdarǵa qamqorlyq saıasaty, tipti, eń qıyn daǵdarysty jyldarda da ózgerissiz kúıinde qaldy.
Elbasynyń kezekten tys saılaý ótkizý týraly sheshimi turaqtylyqty nyǵaıtýǵa jáne jahandyq daǵdarys zardaptaryn eńserý úshin qolaıly múmkindikter týǵyzý jónindegi baǵytqa qoldaý kórsetýge burynǵydan beter jaǵdaı jasaıtyn bolady.
Ult Josparynda jáne Prezıdenttiń «Qazaqstan jańa jahandyq naqty ahýalda: ósim, reformalar, damý» atty Joldaýynda áleýmettik saıasat salasyndaǵy máselelerdiń úlken blogy beınelengen. Sonymen birge, kúrdeli máselelerdi sheshý búkil azamattar úshin mindet bolýy tıis ekendigi de aıtyldy. Biz munyń adamı jáne materıaldyq resýrstarǵa ıe jáne adamdardyń problemalaryn kórýge jáne sheshýge qabiletti saıası partııalar úshin aıryqsha kókeıkesti ekenin túsinemiz.
Sondyqtan da biz kezekten tys saılaý ótkizý týraly Jarlyqqa qol qoıý týraly sheshimdi reformalar strategııasy men daǵdarysqa qarsy sharalardy júzege asyrý boıynsha zańdy qadam retinde qabyldadyq.
Biz paternalızmnen aýlaqpyz jáne zeınetkerlerdi óz uıymymyzdyń sheńberinde biriktire otyryp, Májilistiń kezekten tys saılaýyn ótkizý týraly sheshimge qoldaý bildiremiz.
Biz daǵdarysqa qarsy reformalardy júrgizý jáne bizdiń Prezıdentimizdiń basqa da bastamalaryn júzege asyrý jónindegi jumysqa belsendi atsalysýǵa daıynbyz.