«Eýrazııalyq quqyq qorǵaý ortalyǵy» qoǵamdyq qorynyń Qazaqstan Prezıdentiniń «Besinshi shaqyrylǵan Qazaqstan Respýblıkasy Parlamentiniń Májilisin taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn ótkizý týraly» Jarlyǵyna qatysty
MÁLIMDEMESI
«Eýrazııalyq quqyq qorǵaý ortalyǵy» eldiń búkil qoǵamdyq-saıası kúshteriniń daǵdarysqa qarsy strategııany, sondaı-aq Qazaqstan Prezıdentiniń bes ınstıtýttyq reformasyn júzege asyrýǵa mazmundy qatysýy qajettigine úlken mańyz bere otyryp, Memleket basshysynyń Parlament Májilisi depýtattarynyń kezekten tys saılaýyn taǵaıyndaý týraly Jarlyǵyna óz qoldaýyn bildiredi. Elbasy qabyldaǵan sheshimniń ýaqtyly jáne mańyzdy ekenin onyń ózi-aq aıtyp tur. Búkil álem úshin kúrdeli osynaý ýaqytta bıliktiń zań shyǵarýshy tarmaǵyn zańshyǵarýshylyq jumysqa jańa serpin berýge qabiletti adamdarmen jańartý memlekettiń daǵdarysqa qarsy saıasatynyń tıimdiligin arttyrýǵa jaǵdaı jasaıtyn bolady. Búginde, el jańa synaqtar tabaldyryǵynda turǵan kezde, biz oza is-qımyl jasaýǵa tıispiz. Sondyqtan, eki saılaý naýqanyn – Májilis pen barlyq deńgeıdegi máslıhattardy saılaý – zań shyǵarýshy jáne jergilikti bılik ókilderiniń saılaý úderisterin biriktire otyryp, bizdiń odan arǵy is-qımyldarǵa neǵurlym shuǵyl kirisýimizge jaǵdaı jasaıdy. Depýtattyq korpýsty jańartý – azamattyq bastamalardy keńeıtý, halyqtyń túrli toptarynyń múddelerin shoǵyrlandyrý jáne qazaqstandyqtardy ınstıtýttyq reformalar baǵdarlamasyn tabysty júzege asyrýǵa biriktirý úshin jańa múmkindikter.