Memleket basshysy Nursultan Nazarbaev Ulttyq bank tóraǵasy Danııar Aqyshevty qabyldady, dep habarlady Prezıdenttiń baspasóz qyzmeti.
D.Aqyshev kezdesý barysynda Memleket basshysyna aqsha-nesıe saıasatyndaǵy negizgi baǵyttar men qarjy sektorynyń turaqtylyǵyn qamtamasyz etý jónindegi sharalar týraly baıandady.
Qazaqstan Prezıdenti qarjylyq turaqtylyqty qamtamasyz etý jáne ekonomıkany damytýǵa yqpal etý jónindegi jumysty jalǵastyrýdyń mańyzdylyǵyna toqtalyp ótti.
Elbasy shaǵyn jáne orta bıznes sýbektilerine, sondaı-aq, baspana qurylysyn odan ári jalǵastyrý isine qoldaý kórsetý qajettigine de nazar aýdardy.
D.Aqyshev ekonomıkanyń naqty sektoryn qarjylandyrý sharalary eldiń damý qarqynyna oń áserin tıgizýi qajettigin aıtty.
Memleket basshysy kezdesý qorytyndysy boıynsha birqatar naqty tapsyrma berdi.