Qalalyq saılaý komıssııasynyń esebi tyńdaldy

Keshe Qazaqstan Respýblıkasy Ortalyq saılaý komıssııasynyń otyrysy ótti. Onda birqatar oblystyq saılaý komıssııalarynyń músheleri taǵaıyndaldy. «Saılaý týraly» Zańnyń 19-baby 6-tarmaǵynyń ekinshi bó­limine jáne 8-tarmaǵyna sáıkes Ortsaılaýkom saılaý zańna­masynda belgilengen tártippen saılanǵanǵa deıin, Almaty oblystyq saılaý komıssııasynyń múshesi etip T.E. Dáýitovti, Aty­raý oblystyq saılaý komıs­sııasynyń múshesi etip Ǵ.Sh. Qa­natovty, Qaraǵandy oblys­tyq saılaý komıssııasynyń múshe­si etip A.G.Stepanenkony, Qosta­naı oblystyq saılaý komıssııa­synyń múshesi etip G.A. Gera­sımovty, Pavlodar oblystyq saılaý komıssııasynyń múshesi etip N.P. Chýdovskııdi, Ońtústik Qazaqstan oblystyq saılaý ko­mıs­­sııasynyń múshesi etip Á.M.Áli­shevti taǵaıyndady. Sondaı-aq, Ortsaılaýkom otyrysynda Qazaqstan Respýblıkasy Parlamenti Májilisiniń jáne máslıhattarynyń depýtattaryn saılaýǵa daıyndyq barysy týraly Astana qalalyq saılaý ko­mıs­sııasynyń esebi tyń­daldy. Astana qalalyq saılaý komıssııasynyń tóraǵasy I.Jalbyrov Ortsaı­laýkom múshelerin qalada qala­lyq máslıhat depýtattaryn saılaý boıynsha 25 saılaý ok­rýgi, 278 saılaý ýchaskesi quryl­ǵany, olardyń 213-i qala aýma­ǵynda jáne 65-i Qazaqstan Respýb­lıkasynyń sheteldegi ókildik­teriniń janynda ornalasqany týraly málimdedi. Astana qalasy boıynsha saılaýdy uıymdastyrýdy jáne ótkizýdi jalpy sany 2149 múshesi bar 307 saılaý komıssııasy, olardyń ishinde 4 aýmaqtyq, 25 okrýgtik jáne 278 ýchaskelik ko­mıs­sııasy júzege asyrady. Qala­lyq saılaý komıssııasy saılaý komıssııalaryn oqytýdy uıym­dastyrýǵa erekshe kóńil bóledi, ol úshin semınar, trenıng, keń­ester ótkizýden bastap qajetti saılaý qujattarymen jáne ádis­temelik quraldarmen qamtamasyz etýge deıin túrli nysandardy qol­danýda. Qazirgi ýaqytta qalalyq más­lıhat depýtattyǵyna kandıdattardy usyný jáne tirkeý júr­gizilýde. 2016 jylǵy 9 aqpandaǵy jaǵdaı boıynsha 25 saılaý ýchaskesinde 27 kandıdat (18 er adam jáne 9 áıel adam) usynyldy. Olardyń 26-synyń joǵary bilimi bar. Okrýgtik saılaý komıssııalary usynylǵan kandıdattardyń Konstıtýsııada jáne «Qazaqstan Respýblıkasyndaǵy saılaý týraly» Konstıtýsııalyq zańynda belgilengen talaptarǵa sáıkestigin tekserý boıynsha qajetti jumystar júrgizýde, kandıdattardyń jáne olardyń senim bildirilgen adamdaryn tirkeýdi júzege asyrýda. Qazirgi ýaqytta úsh kandıdat tirkeldi. Saılaýaldy úgitti júrgizýge qatysty sharalar ýaqtyly qabyl­danýda. Qalalyq saılaý komıssııasymen kelisim boıynsha par­tııalyq tizimin usynǵan saıası partııalar úshin, sondaı-aq, qalalyq máslıhat depýtattyǵyna kandıdattar úshin úgittik baspa materıaldaryn ornalastyrý oryndary anyqtaldy. Saıası partııalardyń jáne kandıdattardyń saılaýshylarmen kezdesýler ótkizýi úshin, sharttyq negizde usynylǵan úı-jaılar tizbesi bekitildi. Álısultan QULANBAI, «Egemen Qazaqstan». Sýretti túsirgen Erlan OMAROV.