«Nur Otan» partııasy Saıası keńesiniń bıýro múshesi, partııanyń Almaty qalalyq fılıalynyń tóraǵasy jáne qala ákimi Baýyrjan Baıbektiń basshylyǵymen partııanyń kezekti HVIII konferensııasy bolyp ótti.
Konferensııa barysynda «Nur Otan» saıası partııasynyń «Qazaqstan-2021: Birlik. Turaqtylyq. Jasampazdyq» atty saılaýaldy baǵdarlamasyn júzege asyrý jáne Almaty qalalyq máslıhaty depýtattyǵyna túsýge úmitkerlerdiń kandıdatýralaryn bekitý týraly máseleler qaraldy.
Qala ákimi ári «Nur Otan» partııasy Almaty qalalyq fılıalynyń tóraǵasy Baýyrjan Baıbek óziniń sózinde partııanyń «Qazaqstan-2017 maqsattary. Ulttyq is-qımyl jospary» saılaýaldy tuǵyrnamasy merziminen buryn oryndalǵanyn atap ótti.
– Qalada 2016 jylǵa deıin josparlanǵan jańa mektepter artyǵymen salynyp, tapsyrma asyra oryndaldy. Densaýlyq saqtaý nysandary da jospardaǵydan kóp salyndy. Ana ólimi 17,4 paıyzdan 12,3 paıyzǵa tómendedi. Turǵyn úı salý 2017 jylǵa deıin 24,3 mıllıon sharshy metr kóleminde kózdelse, mindet 30 mıllıon sharshy metr deńgeıinde oryndaldy dep kútilýde. Bul – tek negizgi kórsetkishterdiń bir bóligi ǵana, – dep atap ótti B.Baıbek.
Mundaı joǵary jetistikter men turaqty kórsetkishterge almatylyqtardyń yntymaq, birligi men eńbekqorlyǵynyń, partııa músheleri men memlekettik organdardyń ózara júıeli jumys júrgizýiniń nátıjesinde qol jetkizgendigin aıta kele, partııa qalalyq fılıalynyń tóraǵasy halyqtyń «Nur Otanǵa» degen senimi men qoldaýynyń zor ekendigin de jetkizdi.
Shara barysynda partııanyń qalyń buqaraǵa qazirgi jaǵdaıdyń shynaıy kórinisin jetkizýi, jańa ekonomıkalyq baǵdarlamany jan-jaqty túsindirýi, daǵdarysqa qarsy baǵytty sezinýi, kópshilikti kúrdeli máselelerdi sheshýge jumyldyrýy tıis ekendigi aıtyldy.
Sonymen birge, ákim «Nur Otan» partııasynyń Almaty qalalyq máslıhaty V shaqyrylymyndaǵy fraksııa músheleriniń jemisti qyzmetine alǵys bildirdi.
Qala ákiminiń málimdeýinshe, ótken 5 jyl aralyǵynda qalanyń ekonomıkalyq, áleýmettik jáne ınfraqurylymdyq damýyna, turǵyndardyń ál-aýqatynyń artýyna depýtattardyń zor yqpaly tıgen. Fraksııanyń 48 otyrysy uıymdastyrylyp, fraksııa músheleri partııanyń saılaýaldy baǵdarlamasynyń, bıýdjettiń, «Nurly Jol» baǵdarlamasy aıasyndaǵy qurylystardyń júzege asyrylýyn, basqa da qalalyq josparlardyń tıimdi oryndalýyn qadaǵalaǵan.
Osy ýaqyt aralyǵynda 53 basqarma basshysy men memlekettik bıýdjetten qarjylandyrylatyn ókiletti organdar jetekshileriniń esebi tyńdalǵan. Fraksııa bastamasymen 87 nusqaýlyq berilip, onyń 79-y oryndalǵan, 9 nusqaý jumysy qaralý ústinde eken.
Konferensııa qorytyndysynda «Nur Otan» saıası partııasy atynan Almaty qalalyq máslıhaty depýtattyǵyna túsýge úmitker 37 adamnyń kandıdatýrasyn bekitý týraly qaýly qabyldandy.
Konferensııa jumysyna partııa qalalyq fılıaly saıası keńesiniń, Almaty qalalyq máslıhatynyń depýtattary jáne fraksııa músheleri, partııanyń aýdandyq fılıaly men bastaýysh partııa uıymdarynyń jetekshileri, buqaralyq aqparat quraldarynyń ókilderi men «Jas Otan» jastar qanatynyń belsendileri qatysty.
Qanat ESKENDIR,
«Egemen Qazaqstan».
Almaty.