О́gem óńiri jańarady

Ońtústikte «Eger О́gem shatqalyn kórmeseń, shym­kenttikpin demeı-aq qoı» degen sóz bar. Saıram-О́gem ulttyq parkine qaraıtyn shatqaldy jer jánnaty deseń de bolady. Taýdy tesip quldyrańdap aqqan bulaq, túgi japyrylmaǵan kók balaýsa quraq, máýesi-sháýesi qońyr kúzde jerge byrdaı bolyp tógilgen jemis aǵashtary aspanǵa qol sozǵan qaraǵaılarmen kirigip ketken. Shatqalǵa tek asty bıik mashınalar­men ǵana óte alasyz. Qu­lama jartastardy janaı ótetin jol eki kólik zorǵa syıardaı. Etekke túsken soń jo­lyndaǵyny jańqadaı kór­meıtin О́gem ózenine eriksiz aıaldaısyz. Jyldyń qaı mezgili bolsa da sýyqtyǵy sondaı, aıaǵyńyzdy mal­sańyz, toq urǵandaı mań­daıynyzdan muzdaı ter burq ete qalady. Múlgigen tynyshtyq, munda tabıǵat balbyrap uıqyǵa batyp turǵandaı kórinedi. Mine, ertegideı osy jer oblystyq kásipkerlik, ın­dýstrııalyq-ınnova­sııa­lyq damý jáne týrızm basqar­masynyń uı­ǵa­ry­mymen Saıram-О́gem ta­bıǵı par­kine qaraıtyn Mashat shat­qaly, О́gem já­ne Qas­qasý týrızmdi damytý úshin ınvestorlarǵa uzaq mer­zimge jalǵa beri­letin boldy. «Saıram-О́gem» memle­ket­tik ulttyq tabıǵı par­kiniń kólemi – 148 myń 87 gektar. Sonyń 19 myń 74 gektaryn túrli maq­satqa paıdalanýǵa bolady. Bú­ginde 34 jeke kásipker 136 gektardy paı­dalanyp, memleket paı­dasyna qarjy tólep otyr. Endi 300 gektar jer uzaq jáne qysqa merzimge ın­vestorlarǵa jal­ǵa be­riledi. «О́zim degende, ógiz qa­ra kúshim bar» deıdi ha­lyq naqyly. Atalǵan jer­di paıdalanýǵa alǵan ká­sip­kerler demalys oryndaryn salady. Aspan jerge aınalyp túserdeı aptapta shymkenttikterdiń deni taý saǵalap ketetin. Jańa demalys oryndary elge de, memleketke de paıdaly bolmaq. Baqtııar TAIJAN, «Egemen Qazaqstan». Ońtústik Qazaqstan oblysy.