ASTANA. 11 aqpan. Saýd Arabııasynda bilim salasyna jaýap beretin sheneýnik óziniń alty áriptesin atyp óltirdi. Bul týraly ras.kz-ke silteme jasaǵan egemen.kz habarlady.
«Saýd Arabııasynda sońy kóp adamnyń ólimimen aıaqtalǵan atys oqıǵasy tekserilip jatyr», – delingen habarlamada.
Sonymen birge, munyń teraktige qatysy joq ekeni de aıtylady.
Tótenshe jaǵdaı Djızan provınsııasyndaǵy bilim basqarmasynda bolǵan. Vedomstvo qyzmetkeri alty adamdy óltirip, taǵy eki adamdy jaraqattaǵan.
Aıta keteıik, polısııa kúdiktini ustap, qamaýǵa aldy.
Talǵat Raıymbek.
Derek: ras.kz.
Sýret: today.