ASTANA. 18 aqpan. Búgin ÝEFA Chempıondar lıgasynyń pleı-off satysynda taǵy eki kezdesý ótti. Atap aıtqanda, Belgııanyń «Gent» komandasy óz alańynda Germanııanyń «Volfsbýrgin» qabyldap, 2:3 esebimen ese jiberse, Ispanııanyń «Realy» (Madrıd) syrt alańda Italııanyń «Romasynan» 2:0 esebimen basym tústi. Bul týraly egemen.kz tilshisi habarlady.
«Gent» (Gent, Belgııa) – «Volfsbýrg» (Volfsbýrg, Germanııa) 2:3
Goldar: Sven Kýms 80, Kalıfa Kýlıbalı 89 – Iýlıan Draksler 44, 54, Maks Krýze 60.
Toptyq kezeńde sensasııa jasap, talaıdyń nazaryn aýdarǵan «Gent» bul oıynda jeńilse de, jankúıerlerine qýanysh syılaı aldy. Qarsylasynyń ózine qaraǵanda tájirıbeli ekenine qaramastan, match barysynda dopqa ıelik etý kórsetkishi, qaqpaǵa jasalǵan týra soqqy syndy statıstıkalyq nátıjeler boıynsha basym bolǵan belgııalyqtar sońǵy mınýttarǵa deıin aıqasty.
Kezdesýdiń esebi 44-mınýtta «Volfsbýrg» oıynshysy Iýlıan Drakslerdiń golymen ashyldy. 54-mınýtta ol taǵy da mergendigimen kózge túsip, dýbldiń avtory atandy. Arada 6 mınýt ótkende germanııalyqtar esepti 3:0-ge jetkizdi. Bul joly Maks Krýze nátıjeli soqqy jasaǵan bolatyn.
Alaıda, óz jankúıerleri aldynda namysty qoldan bermeýdi maqsat tutqan «Gent» oıynshylary 80 jáne 89-mınýttarda soqqan eki golmen qarymta qaıtardy. Bul goldardyń avtorlary – tıisinshe Sven Kýms pen Kalıfa Kýlıbalı. Genttikterdiń tarazy basyn teńestirýge ýaqyt jetpedi. Nátıjesinde syrt alańda jeńiske jetken «Volsbýrg» shırek fınalǵa bir taban jaqyndady. Qos komandanyń qarymta kezdesýi 8 naýryz kúni Germanııada ótedi.
«Roma» (Rım, Italııa) – «Real» (Madrıd, Ispanııa) 0:2
Goldar: Krıshtıaný Ronaldý 57, Hese 86.
Jankúıerler men mamandardyń nazaryn aýdarǵan bul oıynda «Real» jeńiske jetti. Matchtyń birinshi taımynda esep ashylǵan joq. Al ekinshi bólikte ıspanııalyqtar qarqyndaryn kúsheıtip, júıeli oıyn órnegin kórsetti. Nátıjesinde, 57-mınýtta Krıshtıaný Ronaldý esep ashsa, 86-mınýtta Hese «Realdyń» ekinshi golyn soqty. Osylaısha, syrt alańda jeńiske jetken koroldik klýb shırek fınal máselesin jartylaı sheship qoıdy. Bul komandalardyń da qarymta oıyny 8 naýryzda oınalady.
Elaman Qońyr.
Derek: egemen.kz.
Sýret: uefa.com, championat.com.