Úmitkerler sany – 687

Oblystyq saılaý komıssııasynyń tóraǵasy Asqar Saqyp­kereev respýblıkalyq jáne oblystyq BAQ-tar ókilderi­men brıfıng ótkizip, saılaýǵa ázirlik jaıly jan-jaqty maǵ­lu­mat berdi. Kezdesýge jergilikti saılaý komıssııalarynyń jetek­shileri qatysty. Asqar Jolamanuly kezekten tys Parlament Májilisi jáne kezekti oblystyq, aýdandyq, qalalyq máslıhattar saılaýlary qarsańyndaǵy uıymdastyrý sharalarynyń talapqa saı júrgizilip jatqanyn, barlyǵy 929, onyń ishinde, 15 aýmaqtyq, 217 okrýgtik, 697 ýchaskelik saı­laý komıssııalarynyń qury­lyp, olarǵa 6503 adamnyń tartyl­ǵanyn, materıaldyq-tehnıka­lyq jaǵynan oıdaǵydaı qamtyl­ǵanyn jetkizdi. Saılaý qurylymdary múshe­leriniń quqyqtyq bilimderin jetildirý maqsatymen 56 semı­nar-keńes uıymdastyryldy. Alda taǵy 72 qysqa merzimdi kýrstar ótkizilip, tyńdaýshylar saıası jaǵynan shyńdalatyn bolady, deı kelip, A. Saqypkereev oblystyq máslıhatqa – 90, aý­dan­dyq máslıhattarǵa – 537, qala­lyq máslıhatqa 60 adamnyń usynylyp, 128-iniń tirkeýden ótkenin málimdedi. Saıası partııalar atynan usynylǵandar sany 207 bolsa, 480 adam ózin ózi usyný arqyly baqtaryn synaýǵa bel býypty. Olardyń quramyna keletin bolsaq, úmitkerler tizimin 20 ulttyń ókili, al orta jas 43-ti quraıdy. Zeınetker jasyndaǵy úmitker bireý ǵana. 66,8 paıyzy – erler. 70,3 paıyzynyń joǵary bilimi bar. Kommersııalyq sala qyzmetkerleriniń úlesi – 43,2 paıyz. Oblystyq saılaý komıs­sııasynyń tóraǵasy depýtattyqqa kandıdattardy tirkeý 23 aqpanǵa deıin sozylatynyn, sol sebepti, tizimniń tolyǵa túsetinin de aıtyp ótti. О́mir ESQALI, «Egemen Qazaqstan». Soltústik Qazaqstan oblysy.