2016 jylǵy 6 qańtar, Astana qalasy
Múgedekterge arnalǵan jumys oryndaryn kvotalaý qaǵıdalaryn bekitý týraly
«Halyqty jumyspen qamtý týraly» 2001 jylǵy 23 qańtardaǵy Qazaqstan Respýblıkasy Zańynyń 6-baby 2-tarmaǵynyń 9-12) tarmaqshasyna jáne 7-baby 5-2) tarmaqshasyna jáne «Memlekettik statıstıka týraly» 2010 jylǵy 19 naýryzdaǵy Qazaqstan Respýblıkasy Zańynyń 16-baby 3-tarmaǵynyń 2) tarmaqshasyna sáıkes buıyramyn:
1. Mynalar:
1) osy buıryqqa 1-qosymshaǵa sáıkes Múgedekterge arnalǵan jumys oryndaryn kvotalaý qaǵıdalary;
2) osy buıryqqa 2-qosymshaǵa sáıkes «Múgedekterdi jumysqa ornalastyrý kvotasyn oryndaýǵa arnalǵan jumys oryndarynyń sany, bos laýazymdar men bos jumys oryndary týraly málimetterdiń bolýy týraly málimetter» ákimshilik derekterdi jınaýǵa arnalǵan nysan;
3) osy buıryqqa 3-qosymshaǵa sáıkes «Múgedekterdi jumysqa ornalastyrýǵa arnalǵan kvotanyń oryndalýy týraly málimetter» ákimshilik derekterdi jınaýǵa arnalǵan nysan bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Halyqty jumyspen qamtý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktilerdiń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryqty oblystardyń, Astana jáne Almaty qalalarynyń jergilikti atqarýshy organdarynyń nazaryna jetkizýdi;
5) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetter usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B. Nurymbetovke júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Densaýlyq saqtaý jáne áleýmettik
damý mınıstriniń mindetin atqarýshy E.BIRTANOV.
KELISILDI
Qazaqstan Respýblıkasy Ulttyq ekonomıka mınıstrligi
Statıstıka komıteti tóraǵasynyń mindetin atqarýshy
__________________ B.Imanálıev
2016 jylǵy 8 qańtar
Qazaqstan Respýblıkasy Densaýlyq saqtaý jáne áleýmettik damý mınıstriniń
mindetin atqarýshynyń 2016 jylǵy 6 qańtardaǵy №2 buıryǵyna 1-qosymsha
Múgedekterge arnalǵan jumys oryndaryn kvotalaý qaǵıdalary
1. Jalpy erejeler
1. Osy Múgedekterge arnalǵan jumys oryndaryn kvotalaý qaǵıdalary (budan ári – Qaǵıdalar) «Halyqty jumyspen qamtý týraly» 2001 jylǵy 23 qańtardaǵy Qazaqstan Respýblıkasy Zańynyń (budan ári – Zań) 6-baby 2-tarmaǵynyń 9-12) tarmaqshasyna, 7-baby 5-2) tarmaqshasyna sáıkes ázirlendi jáne múgedekterge arnalǵan jumys oryndaryna kvota belgileýdiń jalpy tártibin, mólsherin jáne sharttaryn belgileıdi.
2. Osy Qaǵıdalarda paıdalanylatyn negizgi uǵymdar:
1) jumys berýshi – qyzmetker onymen eńbek qatynastarynda turǵan jeke nemese zańdy tulǵa;
2) múgedek – turmys-tirshiliginiń shektelýine jáne ony áleýmettik qorǵaý qajettigine ákep soqtyratyn, aýrýlarǵa, mertigýlerge (jaralanýǵa, jaraqattarǵa, kontýzııalarǵa), olardyń zardaptaryna, kemistikterge baılanysty organızm fýnksııalary turaqty buzylyp, densaýlyǵy nasharlaǵan adam;
3) múgedekterge arnalǵan jumys oryndarynyń kvotasy (budan ári – kvota) – aýyr jumystardaǵy, eńbek jaǵdaılary zııandy, qaýipti jumystardaǵy jumys oryndaryn eseptemegende, jumys oryndar sanynyń paıyzdyq kórsetiliminde múgedekter jumys isteıtin jumys oryndarynyń sanyn qosa alǵanda, jumys berýshi jumysqa ornalastyrýǵa mindetti múgedekterdi jumysqa qabyldaýǵa arnalǵan jumys oryndarynyń eń az sany;
4) múgedekterdi jumysqa ornalastyrý úshin jumys oryndaryn kvotalaý – jergilikti atqarýshy organdar belgilegen kvotaǵa sáıkes múgedekterdi jumysqa ornalastyrý úshin jumys berýshilerdiń jumys oryndaryn usynýy;
5) ýákiletti organ – halyqtyń jumyspen qamtylýyna járdemdesýdi jáne jumyssyzdyqtan áleýmettik qorǵaýdy óńirlik deńgeıde qamtamasyz etetin jergilikti atqarýshy organdardyń qurylymdyq bólimshesi.
2. Múgedekterge arnalǵan jumys oryndaryn kvotalaý tártibi,
kvota belgileýdiń mólsheri men sharttary
3. Kvotany aýdandardyń, qalalardyń jergilikti atqarýshy organdary uıymdyq-quqyqtyq nysanyna jáne menshik nysanyna qaramastan uıymdar úshin uıymnyń tizimdik sanynyń paıyzdyq kórsetiliminde belgileıdi jáne jyl saıyn qaıta qaraıdy.
4. Kvota sheńberinde medısınalyq qorytyndyǵa sáıkes eńbek (qyzmettik) mindetterin atqarýǵa qarsy kórsetilimderi joq múgedekter jumysqa ornalastyrylady.
Qazaqstan Respýblıkasynyń zańdarymen qyzmetke kirýdiń erekshe jaǵdaılary, laýazymǵa taǵaıyndaýdyń tártibi aıqyndalǵan jaǵdaılarda, kvota belgilenbeıdi.
5. Kvota belgileý jónindegi usynystardy:
1) Zańnyń jáne osy Qaǵıdalardyń;
2) tıisti ákimshilik-aýmaqtyq birliktegi eńbek naryǵynda múmkindigi shekteýli adamdar sanynan jumys kúshine aǵymdaǵy suranys pen usynysty taldaýdyń, boljaýdyń;
3) óńirdegi jumys istep turǵan uıymdar sanynyń;
4) uıymdardaǵy qyzmetkerlerdiń shtattyq sany jáne qolda bar bos jumys oryndarynyń sany týraly jumys berýshilerdiń málimetteri negizinde qalyptastyrylǵan uıymdardaǵy qyzmetkerlerdiń tizimdik sanynyń; belgilengen kvota kóbirek bútin sandy quraǵan jaǵdaıda, sandy dóńgelekteý bútin mánge azaıtý jaǵyna qaraı júrgiziledi;
5) múgedekterdi jumysqa ornalastyrý úshin jumys berýshi usynǵan qoldanystaǵy jumys oryndarynyń sany týraly málimetter taldaýynyń;
6) kvotadan tys jumys berýshiler men múgedekter arasynda jasalǵan qoldanystaǵy eńbek sharttarynyń sany týraly málimetter taldaýynyń;
7) halyqty jumyspen qamtý ortalyǵy jumyssyz retinde tirkegen jáne kvota boıynsha jumysqa ornalasqysy keletin múgedekter tiziminiń negizinde ýákiletti organ ázirleıdi.
6. Eńbek jaǵdaılary aýyr, zııandy jáne (nemese) qaýipti sanatqa jatqyzylǵan uıymdar úshin qyzmetkerlerdiń tizimdik sanyna eńbek jaǵdaılary boıynsha jumys oryndaryn attestattaý nátıjeleri boıynsha eńbek jaǵdaılary aýyr, zııandy jáne (nemese) qaýipti sanatqa jatqyzylǵan qyzmetkerler kirmeıdi.
7. Ýákiletti organ «Memlekettik statıstıka týraly» 2010 jylǵy 19 naýryzdaǵy Qazaqstan Respýblıkasy Zańynyń 16-baby 3-tarmaǵynyń 2) tarmaqshasyna sáıkes bekitilgen nysan boıynsha jumys berýshiler usynatyn múgedekterdi jumysqa ornalastyrý kvotasyn oryndaýǵa arnalǵan jumys oryndarynyń sany, bos laýazymdar men bos jumys oryndary týraly málimetterdiń bolýy týraly málimetterdiń negizinde uıymdar bólinisinde jumysqa ornalastyrýǵa muqtaj múgedekterdiń jáne múgedekterge arnalǵan bos jumys oryndarynyń derekter bazasyn qalyptastyrady.
8. Respýblıkalyq mańyzy bar qalanyń, aýdannyń (oblystyq mańyzy bar qalanyń) jergilikti atqarýshy organy ýákiletti organ usynǵan usynystardyń negizinde «Halyqty jumyspen qamtý týraly» 2001 jylǵy 23 qańtardaǵy Qazaqstan Respýblıkasy Zańynyń 7-baby 5-2) tarmaqshasyna sáıkes uıymdar bólinisinde múgedekterge arnalǵan jumys oryndaryna kvota bekitedi jáne jumys berýshilerdiń nazaryna kúntizbelik jyl bastalǵanǵa deıin bir aı qalǵansha jetkizedi.
9. Jergilikti atqarýshy organdar múgedekterge arnalǵan jumys oryndaryna kvota belgileý týraly aktini óńirlik buqaralyq aqparat quraldarynda, sondaı-aq resmı ınternet saıttarda ornalastyrady.
10. Jumys berýshiler belgilengen kvotaǵa sáıkes kvota engizilgen kúnnen bastap kúntizbelik 1 aı ishinde múgedekterdi jumysqa ornalastyrý úshin jumys oryndaryn usynady.
11. Jumys berýshiler ýákiletti organǵa «Memlekettik statıstıka týraly» Qazaqstan Respýblıkasy Zańynyń 16-baby 3-tarmaǵynyń 2) tarmaqshasyna sáıkes nysan boıynsha úsh aıdan kem emes merzimge jasalǵan eńbek shartymen rastalǵan jumys berýshiniń bos nemese belgilengen kvota sheńberinde usynylǵan jumys oryndaryna múgedekterdi jumysqa ornalastyrýy týraly málimetter usynýy kvotany oryndaý bolyp tabylady.
12. Kvota esebinen jumysqa ornalastyrylǵan qyzmetkerlerdi jumys berýshiniń bastamasy boıynsha jáne (nemese) qyzmetkerdi óz erkimen jumystan bosatý jumystan bosatylǵan kúnnen bastap bes jumys kúni ishinde jumys berýshiniń ornalasqan jeri boıynsha ýákiletti organǵa mindetti túrde habarlaı otyryp júzege asyrylady.
13. Kvota belgileý úshin qyzmetkerlerdiń tizimdik sanyn aıqyndaý kezinde jalpy tizimdik sannan uıymda jumys isteıtin múgedekter alynyp tastalady.
14. Kvota aýyr jumystardaǵy, eńbek jaǵdaılary zııandy, qaýipti jumystardaǵy jumys oryndaryn eseptemegende, qyzmetkerlerdiń tizimdik sanynyń ekiden tórt paıyzǵa deıingi mólsherde belgilenedi.
Eldi mekenderde eńbek etýge qabiletti jastaǵy jumyssyz múgedekter bolmaǵan jaǵdaıda, uıymdarda kvota belgilenbeıdi.
15. Múgedekterdiń qoǵamdyq birlestikterine, sondaı-aq qyzmetkerlerdiń tizimdik sanynyń jıyrma paıyzdan astamyn múgedekter quraıtyn uıymdarǵa kvota belgilenbeıdi.
Qazaqstan Respýblıkasy Densaýlyq saqtaý jáne áleýmettik damý mınıstriniń
mindetin atqarýshynyń 2016 jylǵy 6 qańtardaǵy №2 buıryǵyna 2-qosymsha
ákimshilik derekterdi jınaýǵa arnalǵan nysan
Múgedekterdi jumysqa ornalastyrý kvotasyn oryndaýǵa arnalǵan jumys oryndarynyń sany, bos laýazymdar men bos jumys oryndary týraly málimetterdiń bolýy týraly málimetter
Esepti kezeń 20___ jylǵy ________ aıy
Indeks: 1-JOK
Kezeńdiligi: toqsan saıyn;
Usynady: múgedekterge arnalǵan jumys oryndaryna kvota belgilengen uıymdar;
Nysan kimge usynylady: oblystardyń, Astana jáne Almaty qalalarynyń jumyspen qamtý ýákiletti organdaryna; oblystardyń, Astana jáne Almaty qalalarynyń jumyspen qamtý ýákiletti organdary Qazaqstan Respýblıkasy Densaýlyq saqtaý jáne áleýmettik damý mınıstrliginiń «Jumyspen qamtý problemalary jónindegi aqparattyq-taldaý ortalyǵy» AQ-ǵa;
Usyný merzimi: Uıymdar oblystardyń, Astana jáne Almaty qalalarynyń jumyspen qamtý ýákiletti organdaryna esepti toqsannan keıingi aıdyń 10-kúnine usynady;
Oblystardyń, Astana jáne Almaty qalalarynyń jumyspen qamtý ýákiletti organdary Qazaqstan Respýblıkasy Densaýlyq saqtaý jáne áleýmettik damý mınıstrliginiń «Jumyspen qamtý problemalary jónindegi aqparattyq-taldaý ortalyǵy» AQ-ǵa málimetterdi esepti toqsannan keıingi aıdyń 25-kúnine usynady.
Uıymnyń ataýy Jyl basyndaǵy qyzmetkerlerdiń tizimdik sany (adam) Kvota mólsheri (qyzmetkerlerdiń ortasha tizimdik sanynan %) Múgedekter sanatyna jatqyzylǵan qyzmetkerler jumys isteıtin jumys oryndarynyń sany (birlik) Aýyr jumystardaǵy, eńbek jaǵdaılary zııandy, qaýipti jumystardaǵy jumys oryndaryn eseptemegende, belgilengen kvota sany (adam) Mamandyqtar boıynsha múgedekterge arnalǵan bos jumys oryndarynyń (vakansııalardyń) sany (birlik) Múgedekterge arnalǵan bos jumys oryndaryna (vakansııalarǵa) jumysqa turýǵa laýazymdar ataýy Kásipter (laýazymdar) boıynsha bos jumys oryndarynyń sany(birlik) Bos jumys oryndary jónindegi málimetter
Kásibı bilimi Ortasha aılyqjalaqysy (teńge) Eńbek jáne qyzmet jaǵdaıy (tolyq emes jumys kúni, ıkemdi jumys grafıgi) Jumys ótili (osy laýazymdaǵy kásibi, mamandyǵy boıynsha) Basqa da talaptar (tarıftik razrıad, sanat)
1 2 3 4 5 6 7 8 9 10 11 12 13
Tegi, aty, ákesiniń aty (ol bolsa) ________________________ _____________ basshy (qoly)
Kúni 20__ jylǵy «__» ____________.
Eskertpe: ákimshilik derekterdi jınaýǵa arnalǵan nysandy toltyrý boıynsha túsindirme osy nysanǵa qosymshada keltirilgen.
«Múgedekterdi jumysqa ornalastyrý kvotasyn oryndaýǵa arnalǵan jumys oryndarynyń sany,
bos laýazymdar men bos jumys oryndary týraly málimetterdiń bolýy týraly málimetter»
ákimshilik derekterdi jınaýǵa arnalǵan nysanǵa qosymsha
«Múgedekterdi jumysqa ornalastyrý kvotasyn oryndaýǵa arnalǵan jumys oryndarynyń sany, bos laýazymdar men bos jumys oryndary týraly málimetterdiń bolýy týraly málimetter» ákimshilik derekterdi jınaýǵa arnalǵan nysandy toltyrý boıynsha túsindirme
1. Jalpy erejeler
Uıym jergilikti atqarýshy organ múgedekterge arnalǵan jumys oryndaryna belgilegen kvotaǵa baılanysty «Múgedekterdi jumysqa ornalastyrý kvotasyn oryndaýǵa arnalǵan jumys oryndarynyń sany, bos laýazymdar men bos jumys oryndary týraly málimetterdiń bolýy týraly málimetter» aqparatyn mynadaı málimetterdi:
uıymnyń ataýyn;
jyl basyndaǵy qyzmetkerlerdiń tizimdik sanyn;
kvota mólsherin (qyzmetkerlerdiń ortasha tizimdik sanynan %);
múgedekter sanatyna jatqyzylǵan qyzmetkerler jumys isteıtin jumys oryndarynyń sanyn;
aýyr jumystardaǵy, eńbek jaǵdaılary zııandy, qaýipti jumystardaǵy jumys oryndaryn eseptemegende, belgilengen kvota sanyn;
mamandyqtar boıynsha múgedekterge arnalǵan bos jumys oryndarynyń (vakansııalardyń) sanyn;
múgedekterge arnalǵan bos jumys oryndaryna (vakansııalarǵa) jumysqa turýǵa laýazymdar ataýyn;
kásipter (laýazymdar) boıynsha bos jumys oryndarynyń sanyn;
bos jumys oryndary týraly málimetterdi, onyń ishinde: kásibı bilimin, ortasha aılyq jalaqysyn (teńge), eńbek jáne qyzmet jaǵdaıyn (tolyq emes jumys kúni, ıkemdi jumys grafıgi), jumys ótilin (osy laýazymdaǵy kásibi, mamandyǵy boıynsha), basqa da talaptardy (tarıftik razrıad, sanat) kórsete otyryp, esepti toqsannan keıingi aıdyń 10-kúnine usynady.
Kórsetkishter is júzindegi derekter boıynsha aǵymdaǵy aıdyń 1-kúnine qalyptastyrylady.
Málimetterge birinshi basshy nemese onyń mindetin atqarýshy adam qol qoıady.
2. Nysandy toltyrý boıynsha túsindirme
1-baǵanda uıymnyń ataýy kórsetiledi.
2-baǵanda jyl basyndaǵy qyzmetkerlerdiń tizimdik sany kórsetiledi.
3-baǵanda kvota mólsheri (qyzmetkerlerdiń ortasha tizimdik sanynan %) kórsetiledi.
4-baǵanda múgedekter sanatyna jatqyzylǵan qyzmetkerler jumys isteıtin jumys oryndarynyń sany kórsetiledi.
5-baǵanda aýyr jumystardaǵy, eńbek jaǵdaılary zııandy, qaýipti jumystardaǵy jumys oryndaryn eseptemegende, belgilengen kvota sany kórsetiledi.
6-baǵanda mamandyqtar boıynsha múgedekterge arnalǵan bos jumys oryndarynyń (vakansııalardyń) sany kórsetiledi.
7-baǵanda múgedekterge arnalǵan bos jumys oryndaryna (vakansııalarǵa) jumysqa turýǵa laýazymdar ataýy kórsetiledi.
8-baǵanda kásipter (laýazymdar) boıynsha bos jumys oryndarynyń sany kórsetiledi.
9-baǵanda bos laýazymǵa sáıkes keletin qyzmetkerdiń kásibı bilimi kórsetiledi.
10-baǵanda bos laýazymǵa sáıkes keletin qyzmetkerdiń ortasha aılyq jalaqysy kórsetiledi.
11-baǵanda qyzmetkerdiń eńbek jáne qyzmet jaǵdaıy (tolyq emes jumys kúni, ıkemdi jumys grafıgi) kórsetiledi.
12-baǵanda qyzmetkerdiń jumys ótili (osy laýazymdaǵy kásibi, mamandyǵy boıynsha) kórsetiledi.
13-baǵanda bos laýazymǵa úmitker qyzmetkerge qoıylatyn basqa da talaptar (tarıftik razrıad, sanat) kórsetiledi.
Qazaqstan Respýblıkasy Densaýlyq saqtaý jáne áleýmettik damý mınıstriniń
mindetin atqarýshynyń 2016 jylǵy 6 qańtardaǵy №2 buıryǵyna 3-qosymsha
ákimshilik derekterdi jınaýǵa arnalǵan nysan
Múgedekterdi jumysqa ornalastyrýǵa arnalǵan kvotanyń oryndalýy týraly málimetter
Esepti kezeń 20___ jylǵy ________ aıy
Indeks: 2-JOK
Kezeńdiligi: toqsan saıyn;
Usynady: múgedekterge arnalǵan jumys oryndaryna kvota belgilengen uıymdar;
Nysan kimge usynylady: oblystardyń, Astana jáne Almaty qalalarynyń jumyspen qamtý ýákiletti organdaryna, oblystardyń, Astana jáne Almaty qalalarynyń jumyspen qamtý ýákiletti organdary Qazaqstan Respýblıkasy Densaýlyq saqtaý jáne áleýmettik damý mınıstrliginiń «Jumyspen qamtý problemalary jónindegi aqparattyq-taldaý ortalyǵy» AQ-ǵa;
Usyný merzimi: Uıymdar oblystardyń, Astana jáne Almaty qalalarynyń jumyspen qamtý ýákiletti organdaryna esepti toqsannan keıingi aıdyń 10-kúnine usynady;
Oblystardyń, Astana jáne Almaty qalalarynyń jumyspen qamtý ýákiletti organdary Qazaqstan Respýblıkasy Densaýlyq saqtaý jáne áleýmettik damý mınıstrliginiń «Jumyspen qamtý problemalary jónindegi aqparattyq-taldaý ortalyǵy» AQ-ǵa málimetterdi esepti toqsannan keıingi aıdyń 25-kúnine usynady.
Qyzmetkerlerdiń tizimdik sany (adam) Belgilengen kvota (adam) Kvotadan tys jumys isteıtin múgedekterdiń sany (adam) Kvota sheńberinde ýákiletti organnyń
joldamalary boıynsha jumysqa ornalasqan múgedekterdiń sany (adam)
1 2 3 4
Tegi, aty, ákesiniń aty (ol bolsa) ________________________ _____________ basshy (qoly)
Kúni 20__ jylǵy «__» ____________. m.o.
Eskertpe: ákimshilik derekterdi jınaýǵa arnalǵan nysandy toltyrý boıynsha túsindirme osy nysanǵa qosymshada keltirilgen.
«Múgedekterdi jumysqa ornalastyrýǵa arnalǵan kvotanyń oryndalýy týraly málimetter»
ákimshilik derekterdi jınaýǵa arnalǵan nysanǵa qosymsha
«Múgedekterdi jumysqa ornalastyrýǵa arnalǵan kvotanyń oryndalýy týraly málimetter» ákimshilik derekterdi jınaýǵa arnalǵan nysandy toltyrý boıynsha túsindirme
1. Jalpy erejeler
Uıym jergilikti atqarýshy organ múgedekterge arnalǵan jumys oryndaryna belgilegen kvotaǵa baılanysty «Múgedekterdi jumysqa ornalastyrýǵa arnalǵan kvotanyń oryndalýy týraly málimetter» aqparatyn mynadaı málimetterdi:
qyzmetkerlerdiń tizimdik sanyn;
belgilengen kvotany;
kvotadan tys jumys isteıtin múgedekterdiń sanyn;
kvota sheńberinde ýákiletti organnyń joldamasy boıynsha jumysqa ornalasqan múgedekterdiń sanyn kórsete otyryp usynady.
Kórsetkishter is júzindegi derekter boıynsha aǵymdaǵy aıdyń 1-kúnine qalyptastyrylady.
Málimetterge birinshi basshy nemese onyń mindetin atqarýshy adam qol qoıady.
2. Nysandy toltyrý boıynsha túsindirme
1-baǵanda qyzmetkerlerdiń tizimdik sany kórsetiledi.
2-baǵanda belgilengen kvota kórsetiledi.
3-baǵanda kvotadan tys jumys isteıtin múgedekterdiń sany kórsetiledi.
4-baǵanda kvota sheńberinde ýákiletti organnyń joldamasy boıynsha jumysqa ornalasqan múgedekterdiń sany kórsetiledi.
Buıryq Qazaqstan Respýblıkasynyń Ádilet mınıstrliginde 2016 jylǵy 9 aqpanda Normatıvtik quqyqtyq kesimderdi memlekettik tirkeýdiń tizilimine №13027 bolyp engizildi.