Jahandyq sharaǵa daıyndyq joǵary

Táýelsizdik saraıynda eki kúnge sozylǵan EKSPO-2017 halyqaralyq ma­mandandyrylǵan kórmesine qaty­satyn memleketter men kompanııalardyń halyqaralyq qaty­sýshylarynyń ekinshi jınalysy óz jumysyn aıaqtady. Budan buryn habar­laǵa­ny­myzdaı, bul jıynǵa álemniń 102 memleketinen jáne 14 halyq­aralyq uıymnan 300-ge tarta de­legat qatysty. Búgingi kúnge deıin elordada ótetin EKSPO-2017 kórmesine 75 memleket já­ne 14 halyqaralyq uıym qatysatyn­dyǵyn rastaǵan bolatyn. Halyq­aralyq qatysýshylar jıyny kezin­de Astanadaǵy kórmege qaty­sý týraly 13 kelisimge qol qoıyl­dy. Táýelsizdik saraıynda ót­ken halyqaralyq jıynnyń alǵash­qy kúni Reseı Federasııasy men Qy­taı Halyq Respýblıkasy Astana EKSPO-2017 kórmesine qatysa­tyn­dyǵy týraly kelisimge qol qoıdy. Halyqaralyq qatysýshylar jıynynyń ekinshi kúni oǵan qaty­sýshylarǵa kommýnıkasııa­lar jáne kórmeni ilgeriletý bo­ıyn­sha jobalar, mádenı oıyn-saýyq baǵ­dar­lamalary tanys­tyryldy. Jan-jaqty pikir alysýlar barysynda bul jobalar men baǵdarlamalardy odan ári jetildirý máseleleri tilge tıek etildi. Alqaly jıyn barysynda kórmege qatysý týraly ujymdyq kelisimderge qol qoıý rásimi odan ári jalǵasty. Halyqaralyq qa­ty­sýshylar jınalysynyń ekinshi kúni elor­dada ótetin EKSPO-2017 kórme­sine qa­tysýyn rastaǵan taǵy 10 el ke­lisimge qol qoıdy. Bul mem­le­ketter­diń qatarynda Mo­naka, Vet­nam, Vengrııa jáne basqalar bar. Tús aýa Ortalyq kommýnıkasııalar qyzmetinde «Astana EKSPO-2017» Halyqaralyq maman­­dan­dyrylǵan kórmesine qaty­sý­shy­lardyń ekinshi jına­lysy­nyń qorytyndysy boıyn­sha bas­pasóz máslıhaty bolyp ótti. Oǵan Halyqaralyq kór­meler bıýro­synyń bas hatshy­sy Vısenta Lossertales, EKSPO-2017 kór­mesindegi Qy­taı Ha­lyq Respýb­lıkasy seksııa­sy­nyń komıssary Van Szın­ch­jen, EKSPO-2017 kór­mesin­degi Fransýz Respýblıkasy sek­­sııa­synyń komıssary Paskal Loro jáne Astana EKSPO-2017 halyqaralyq mamandan­dyrylǵan kórmesi hatshyly­ǵynyń dırektory Aıan Ere­nov qatysty. О́z sózinde Vı­senta Lossertales ha­lyqaralyq jıyn­ǵa qaty­sýshylar kórme qala­­shyǵy qury­lysyn aralap kórge­nin jáne qu­rylystyń júrgi­zilý mer­zimi men sapasyna tolyq qana­ǵat­tan­ǵan­dyq­taryn atap kórsetti. Astana EKSPO-2017 kórmesiniń ashy­lýy­na 15 aı ýaqyt qaldy. Asta­nada ótken eki kúndik halyq­ara­lyq jıyn barysynda biz kór­mege daıyndyq barysymen jáne osy bir jaýapty sharaǵa qatys­ty máselelerdiń barly­ǵymen jan-jaqty tanysyp, tal­­qy­­ladyq. EKSPO kórmesine daı­yn­­dyq máselesi josparǵa saı bel­­­gilengen mejede júzege asýda. Biz osy basqosý barysyn­da kór­me qalashyǵy nysan­dary­nyń qurylysyn, bolashaq pavılon­dardyń kontentin, qatysý­shy­lardyń óz pavılondaryn daıyndaýǵa qatysty atqara­­tyn jumystaryn jáne basqa máselelerdi talqyladyq. Joǵa­­ry uıymshyldyqpen ótki­zil­gen jınalys barysynda biz qa­zaqstandyq áriptes­teri­mizdiń halyqaralyq kórmeni ótki­zý máselelerin erekshe jaýap­­ker­shilikpen jáne yjdaǵat­ty kózqaraspen júrgizip otyr­ǵanyna kóz jetkizdik», dep atap kórsetti Halyqaralyq kórmeler bıýro­synyń bas hatshysy. Odan ári baspasóz máslıhatyna qaty­­sý­shylar jýrnalısterdiń tara­pynan qoıylǵan kóptegen suraqtarǵa jaýap berdi. EKSPO-2017 kórmesindegi Qytaı Halyq Respýblıkasynyń komıssary Van Szınchjen álem elderiniń ishinde elektr energııa­syn eń kóp tutynatyn Qytaı memleketi ekenin atap kórsete kelip, óz elinde jańǵyrmaly energııa kózderin damytý máselesine barynsha basymdyq berip otyrǵanyn aıtty. «Qazir Qytaıda jasyl tehnologııany damytý maqsatynda arnaıy jospar qabyldanǵan. Bul salaǵa memleket tarapynan aýqymdy ınvestısııa bólinýde. Biz aldaǵy ýaqytta qorshaǵan ortany lastap, aýaǵa taralatyn kómirqyshqyl gazyn 30 paıyzǵa deıin qysqartýdy kózdep otyrmyz. Bul tek Qytaı úshin ǵana emes, búkil álem úshin eleýli kórsetkish bolyp tabylady», dedi Van Szınchjen. Astana EKSPO-2017 kórmesine Qytaı elinen qansha týrıster kelýi múmkin degen suraqqa oraı ol bul baǵytta úlken jumystar júrgizilip jatqanyn, kórshi Qazaqstan elinde ótip jatqan jahandyq sharaǵa Qytaı jurtshylyǵynyń erekshe qyzyǵýshylyq tanytatyndyǵyn atap kórsete kelip, kórme ótkiziletin kezeńde Qytaıdan Qazaqstanǵa 75 myńnan astam týrıster kelýi múmkin degen boljamyn aıtty. «Adamzat bolashaǵy jań­ǵyr­maly energııa kózderiniń damýy­men tikeleı baılanysty. EKSPO-2017 kórmesiniń negizgi ta­qyryby «Bolashaqtyń energııa­sy» ekendigi belgili. Ende­she halyqaralyq kórme ótetin kezeńde Qazaqstan álem­dik ınnovasııalar men tehnolo­gııa­lardyń ortalyǵyna aınalady. Dúnıejúzinde jer kóle­mi jaǵynan 9-shy oryndy ıele­netin Qazaqstan aýmaǵynda tabı­ǵat­tyń nebir keremetteri bar. Ta­bıǵattyń osy bir tartýyn álem týrısteriniń ıgiligine aınal­dyrýǵa EKSPO-2017 kórme­siniń qosatyn úlesi zor bolatyn­dyǵyna senimdimin», dedi EKSPO-2017 kórmesindegi Fran­sýz Respýblıkasynyń komıssa­ry Paskal Loro. Baspasóz más­lı­hatyna qatysýshylar jýrnalıs­ter tarapynan qoıylǵan suraq­tarǵa tolyq ta mándi jaýap berdi. Jylqybaı JAǴYPARULY, «Egemen Qazaqstan».