QYZYLORDA. 26 aqpan. Birikken Arab Ámirliginde taekvondodan «Fýdjeıra Open – 2016» halyqaralyq jarysy aıaqtaldy. Bul týraly oblystyq sport jáne deneshynyqtyrý basqarmasynyń baspasóz qyzmetine silteme jasaǵan egemen.kz tilshisi habarlady.
G-2 dárejesinde ótkizilgen jarysqa 17 eldiń sportshylary qatysty. Jarystan Qyzylorda sportshylary oljaly oraldy.
Atalǵan saıysta jastar arasynda 46 keli salmaqta óner kórsetken Dınara Ábdirjan jeńimpaz atandy. 63 keli salmaqta Tahır Nábıev ekinshi oryn alsa, 49 kelide Botagóz Qapanova úshinshi oryndy ıelendi.
Eresekter arasynda Jazıra Saparbek 46 keli salmaqta jáne Aınur Esbergenova 49 keli salmaqta III oryndarǵa ıe boldy.
Erjan Baıtiles.
Derek, sýret: Qyzylorda oblystyq sport jáne deneshynyqtyrý basqarmasynyń baspasóz qyzmeti.