TARAZ. 29 aqpan. Ortalyq kommýnıkasııa qyzmetiniń Jambyl oblysy óńirlik fılıalynda Jambyl oblysy ákimi janyndaǵy áıelder isteri jáne otbasy-demografııalyq saıasat jónindegi komıssııasynyń hatshysy Aıman Káribekovanyń qatysýymen brıfıng ótti. Bul týraly egemen.kz tilshisi habarlady.
Oblysta atalǵan komıssııanyń yqpalymen turmysy tómen jáne kóp balaly analarǵa memlekettik áleýmettik kómek kórsetý jáne jumysqa ornalastyrý, jalǵyz basty jáne aýrý zeınetkerlerdi úılerinde kútý, áleýmettik járdem kórsetý ortalyqtaryn qurýǵa yqpal etý jáne halyq arasynda dárigerlik kómek kórsetý maqsatynda aqparattyq-nasıhattyq jumystar júrgizilýde.
«Jambyl oblysynyń saıasatker áıelderi klýbymen «Áıelderdiń saıası kóshbasshylyǵy» jazǵy mektebi uıymdastyryldy. Atalmysh mektep jumysyna Baızaq, Jambyl, Jýaly, Talas, Sarysý aýdandarynan 30 áıel qatysty. «Áıelderdiń saıası kóshbasshylyǵy» jazǵy mektebiniń negizgi maqsaty: memlekettik jáne qoǵamdyq-saıası jumysqa odan ári joǵarylatý úshin jaqsy daıyndalǵan áıelderden kadrlyq rezervti qalyptastyrý, kóshbasshylyq qasıetterin daǵdylandyrý, nátıjeli kommýnıkasııalar men básekege qabilettilik ádetterin qalyptastyrý, turǵyndardy keń kólemde genderlik aǵartýǵa belsendi qatysý, elimizdiń ózekti áleýmettik-ekonomıkalyq jáne qoǵamdyq-saıası máselelerin sheshý boıynsha pikirler, jobalar jáne bastamalar bankin qurý, bıliktiń jergilikti organdaryna bolashaq úmitkerlerge teorııalyq jáne tájirıbelik kómek kórsetý, áıel kóshbasshylardyń ozyq tájirıbesin nasıhattaý», – dedi Aıman О́mirzaqqyzy.
Sondaı-aq, Jambyl oblysynda áıelderdi zorlyq-zombylyqtan qorǵaý, mundaı qylmystardyń aldyn-alý, quqyqtyq kómek berý jumystary jetildirilip keledi. О́mirdiń qıyn jáne daǵdarys jaǵdaılaryna túskenderge ýaqytsha panalaýǵa jaǵdaı jasaý úshin «Jambyl oblystyq qıyn ómirlik jaǵdaıǵa túsken áıelderge arnalǵan daǵdarys ortalyǵyna» 2015 jyldyń 12 aıy ishinde 89 áıel ornalastyrylǵan.
Odan bólek, byltyr shilde aıynan beri Taraz qalasynda ashylyp jumys isteıtin «Ana úıine» 34 áıel ornalastyrylǵan. Bul áleýmettik jobanyń basty maqsaty – sharana jetimder úıine túspeýi úshin balasynan bas tartpaq bolǵan qyz-kelinshekterdi raıynan qaıtaryp, olardyń aıaǵynan turyp ketýine qoldaý kórsetý jumystaryn júrgizý. Turmystyq qatynasta jáne ómirdiń qıyn jaǵdaıyna túsken náresteli qyz kelinshekter, júkti áıelder jáne sábıli analarǵa osy «Ana úıi» pana bolýda, aıaqtanǵansha kómek kórsetýde, sodaı-aq, munda eńbek bırjasy arqyly jumys tabýǵa kómek kórsetiledi jáne balalary bir jarym jasqa tolǵansha osy «Ana úıinde» turýǵa múmkinshilik berilýde.
Oralhan Dáýit.
Derek, sýret: egemen.kz.