Stepnogor qalasynyń ákimi Ánýar Kúmpekeev Halyqaralyq Áıelder merekesi qarsańynda Qatıra Nurmaǵambetqyzyn 104 jasqa tolýymen quttyqtady.
Stepnogor qalasynda kóp jasaǵan kisiler az emes. Olardyń ishinde Qatıra Mýsına ájeı kósh bastap tur. Qatıra Nurmaǵambetqyzy 1912 jyly Ereımentaý aýdanyndaǵy О́leńti aýylynda dúnıege kelgen. Uly Otan soǵysy jyldarynda kúıeýi maıdanǵa attanǵan Q.Mýsına Torǵaı kenishindegi shahtada jumys isteıdi. Odan keıin osyndaǵy avtobazada eńbek etip, zeınetkerlikke shyqqan.
О́mirlik joldasy qan maıdannan oralmaı, 7 bala tárbıelegen qart ana búginde 38 nemere, 65 shóbere, 5 shópshek súıip otyr.
Qatıra ájeıdiń búginde 77 jasqa tolǵan úlken qyzy Márýash apaı 11 bala tárbıelep, «Batyr ana» ataǵyn alǵan. Qazirgi tańda qart ájeı kenje uly Kenjebek pen kelini Saltanattyń qolynda turady.
Ǵasyr jasaǵan aıaýly ana qala basshylyǵymen emen-jarqyn áńgimelesip, kórsetilgen syı-qurmetke rızashylyǵyn bildirip, aq batasyn berdi.
Baqbergen AMALBEK,
«Egemen Qazaqstan».
Aqmola oblysy,
Stepnogor qalasy.