Partııa jaqtastarynyń forýmy

Keshe «Nur Otan» partııasy respýblıkalyq saılaýaldy shtaby Almaty qalasyndaǵy úgit-nasıhat jumystaryn júrgizý aıasynda «Almaty kópir qurylǵylary zaýyty» JShS-niń eńbek ujymymen, ǵylymı-shyǵarmashylyq, zııaly qaýym, qaıyrymdylyq jáne áleýmettik jobalarmen aınalysatyn qoǵamdyq birlestikterdiń ókilderimen kezdesip, «Nur Otan» partııasy jaqtastarynyń forýmyna qatysty. Partııa Tóraǵasynyń birinshi oryn­basary Asqar Myrzahmetov basta­ǵan Respýblıkalyq saılaýaldy shtab delegasııasynyń quramynda Máji­lis­tiń V shaqyrylymynyń depýtaty Jek­senbaı Dúısebaev, Senat depýtaty Nur­lan Orazalın, Ulttyq ǵylym aka­demııasynyń múshesi Kenjeǵa­lı Saǵadıev jáne taǵy da basqa tany­mal tulǵalar boldy. «Ǵylym ordasy» respýb­lıkalyq memlekettik kásip­ornyn­da Re­s­pýblıkalyq saılaýaldy shtab dele­gasııasymen ótken kezdesýge 500-ge jýyq zııaly qaýym ókilderi qatysty. Ońtústik astanada elimizdiń ıntel­lek­týaldy-shyǵarmashylyq áleýeti shoǵyr­lansa, joǵary bilim berý mekemeleriniń úshten biri (127 JOO-nyń 42-si) dál osy shaharda ornalasqan eken. Sonymen qatar, «Innovasııalyq tehnologııalar parki» arnaıy ekonomıkalyq aımaǵy da iske qosylǵan. Qazirgi kezde atalǵan arnaıy ekonomıkalyq aımaqta tirkelgen kompanııalardyń sany 151 bolsa, kompanııalar negizinen aqparattyq tehnologııa­lar, telekommýnıkasııa, baılanys, elektronıka salalary boıynsha básekege qabiletti ónimder shyǵarady. «Álemde jańa tehnologııalar kesheni jınaqtaldy, ol jetekshi elderge ózderi­niń ekonomıkalaryn taıaýdaǵy 5-10 jyl ishinde múldem jańa tehnıkalyq tərtip­ke kóshirýge múmkindik beredi. Mundaı teh­nologııalyq bəsekelestik Qazaqstan úshin biregeı synaq bolyp tabylady. Osy­ǵan baılanysty «Nur Otan» partııa­sy joǵary tehnologııalardy damytý min­detin qoıyp otyr. Bizdiń jalpyult­tyq basymdyqtarymyzdyń biri sandyq qoǵamdy keńinen qalyptas­tyrý», – dedi osyǵan oraı sózinde A.Myr­zahmetov. Osy kúni úgit-nasıhat tobynyń múshe­leri «Almaty kópir qurylǵylary zaýyty» JShS-niń eńbek ujymymen kezdesti. Qazirgi kúni zaýytta 723 adam jumys istese, onyń tórtten bir bóligi «Nur Otan» partııasynyń músheleri. О́nerká­sip orny 350-den astam taýar atalymyn ón­dirip, respýblıkany 85% kópir qurylǵylarymen qamtamasyz etedi. «Nur Otan» partııasy doktrınasynda bekitil­gen yntymaqtastyq jáne ózara járdem qaǵıdalary shtab músheleri qaıyrym­dylyq jáne áleýmettik jobalarmen aınalysatyn úkimettik emes uıym ókil­derimen ótken kezdesýde keńinen sóz etti. Atalǵan jıyn jylyna joba­larǵa 100 mln. teńge jumsaıtyn «Baýyrjan» qaıyrymdylyq qorynyń keńsesinde ótti. Asqar TURAPBAIULY, «Egemen Qazaqstan». ALMATY.