О́zara tatýlyq, birlik jáne dostyq

Alǵys aıtý kúnine arnalǵan ashyq esik kúnine arqaý boldy  Keshe elordadaǵy «Astana Mall» saýda oıyn-saýyq orta­lyǵynda Astana qalasy Qazaqstan halqy Assambleıasynyń Alǵys aıtý kúnine arnalǵan ashyq esik kúni bolyp ótti. Aıtýly shara qazaqs­tandyq­tardyń erekshe atap ótetin mańyzdy da taǵylymdy kúnine aınalyp ta úlgerdi.  Is-sharaǵa Qazaqstan halqy Assambleıasynyń músheleri, memlekettik organdar men qala­lyq etnomádenı birlestikter ókil­deri, Astana qalasy QHA-nyń ǵylymı-sarapshylyq toby, analar keńesi men qoǵamdyq kelisim keńesteri, ǵylymı jáne shyǵarmashylyq zııaly qaýym, qoǵam qaıratkerleri, sondaı-aq, qala turǵyndary men qonaqtary qatysty. Mundaǵy negizgi maqsat – Qazaqstan Respýblıkasynyń mádenı murasyn saqtap, dáripteý. Bul turǵyda Qazaqstan halqy Assambleıasy hatshylyǵynyń meńgerýshisi Lázzat Qusaıynova Alǵys aıtý kúnine arnalǵan ashyq esik kúni týraly oıyn bylaısha órbitti: «Qazaqstan halqy As­sambleıasynyń Alǵys aıtý kúnine arnalǵan búgingi Ashyq esik kúnine qalamyzdaǵy túrli etnos ókilderi jınalyp, ózara tatýlyq, birlik pen dostyqty, ortaq úıimiz – Qazaqstan Res­pýblıkasynyń damı berýine, táýelsiz jáne azat el bolyp qala berýine degen qulshynystaryn taǵy bir márte kórsetip otyr». Sonymen birge, oıyn-saýyq or­ta­lyǵyna jınalǵan qaýymdy halyq shyǵarmashylyǵynyń mol murasymen tanystyrý da basty maqsattardyń biri bolsa kerek. Bul óz kezeginde Qazaqstandaǵy etnostardyń shyǵarmashylyq damýyna jaǵdaı jasaýǵa oń yqpal etip qana qoımaı, daryndy oryndaýshylar men kásibı shyǵarmashylyq uıymdardy anyqtaýǵa ózindik sebin tıgizeri aıtpasa da túsinikti. Atalǵan ǵımarat tórinde ornatylǵan sahnada ártúrli etnos ókilderi ózderiniń ulttyq kıimderimen jınalǵan kópshilikti án men bıge bóledi. Bul aıtýly kúndi atap ótý Elbasynyń utymdy da der kezinde qabyldaǵan sheshimi bolǵandyǵyn erekshe atap ketti. Sebebi, Qazaq jerinde turyp jatqan kóptegen etnos ókilderi Elbasy saıasatyna jáne qazaq halqyna shyn júrekten alǵys aıtady. О́ıtkeni, jan-jaqtan qonys aýdaryp kelgen ózge etnos ókilderi Qazaq jerinen óz baqyttaryn tapty. Qazaqstan ázerbaıjandary mádenı ortalyqtary odaǵynyń prezıdenti Vıdadı Salahov mundaı merekelik sharalar etnostar arasyn jaqyndatyp qa­­na qoımaı, etnomádenı or­ta­lyq­tary ókilderin ózara dos­tastyratyndyǵymen de bólise ketti. Shyntýaıtynda, bul mereke elimizde turyp jatqan barlyq turǵyndar arasyn bir birimen jaqyndata túsý. Árıne, tarıhı Otanyn tastap, Qazaq dalasyna qonys aýdarýdyń ońaı bolmaǵany anyq. Qazaq halqy óz basyndaǵy qıyndyqtarǵa qaramastan, syrttan kelýshilerge kómek qolyn sozdy. «Adamı turǵydan kelgende de qazaq halqyna alǵys aı­týymyz óte oryndy. Eger ta­rıhqa kóz júgirter bolsaq, ázer­baıjandyqtardy tarıhı ota­ny­nan eki eshalonmen áketkeni málim. Sonyń biri Sibirge jó­neltilse, odan tiri qaıtqandary joq. Al Qazaqstanǵa kelgen 60 myń ázerbaıjandyqtyń qa­zirgi sany 130 myń adamǵa jet­ti», dep atady V.Salahov. Ashyq esik kúninde elordalyq etnomádenı ortalyq ókilderi óz jetistikterimen bólisip, sonymen birge, birlestikter jumysymen tanysýǵa múmkindik aldy. Budan basqa, etnomádenı ortalyqtar ókilderi qoldanbaly óner, ult­tyq aspaptarda oınaý jáne ult­tyq bılerdi oryndaý boıynsha sheberlik-synyptar ótkizip, óz ónerlerin ortaǵa salyp jatty. Asqar TURAPBAIULY, «Egemen Qazaqstan».