ShYMKENT. 28 naýryz. Shymkent qalasynda halyqaralyq ınvestısııalyq forým ótedi. Bul týraly egemen.kz tilshisi habarlady.
Ońtústik Qazaqstan oblysy ákiminiń orynbasary S.Tuıaqbaevtyń aıtýynsha, «Ontustik Invest - 2016» forýmy osy jyldyń 28-29 sáýiri kúnderi «Rixos Khadisha Shymkent» qonaq úıinde ótedi. Ol oblysty shetelge tanytýdy jáne óńirge shetel ınvestısııasyn tartý maqsatynda uıymdastyrylady.
«Aýyl sharýashylyǵy, tamaq jáne jeńil ónerkásip, farmasevtıka salalary bizdiń óńir úshin mańyzdy taqyryp. Sebebi, bul salalar basqa óńirlermen, eldermen salystyrǵanda bizdiń aımaqta jaqsy damyǵan. Sondyqtan, óńirge sheteldik ınvestorlardyń qyzyǵýshylyq tanytýy zańdylyq. Máselen, kórshiles Qytaı memleketinde bizdegi organıkalyq taza, sapaly taǵamdar joǵary suranysqa ıe. Ondaǵy baǵa usynysy da bizdiń kásipkerlerdiń kóńilinen shyǵady. Búginde kelissózder júrgizilýde. Mine, osyndaı jan-jaqty jumystardyń arqasynda oblys sharýalary ónimderin eksporttaýǵa múmkindik alady. Sol sebepti, bul forýmnyń OQO úshin mańyzy zor», dedi oblys ákiminiń orynbasary.
Baqtııar Taıjan.
Derek, sýret: egemen.kz