Keshe Májilis Tóraǵasy Baqtyqoja Izmuhambetovtiń jetekshiligimen palatanyń osy sessııadaǵy alǵashqy bıýro otyrysy ótti.
Onda Májilistegi saıası partııalardyń, atap aıtatyn bolsaq, «Nur Otan» partııasynyń, Qazaqstannyń «Aq jol» demokratııalyq partııasynyń, Qazaqstan Kommýnıstik halyq partııasynyń fraksııalary resmı tirkeýge alyndy. Sonymen qatar, bıýroda Májilis Tóraǵasynyń orynbasarlary Gúlmıra Isimbaeva men Vladımır Bojko arasynda ózara mindetterdi bólý máseleleri de nazardan tys qalmady.
Sondaı-aq, palata bıýrosynyń qaýlysymen osyǵan deıin Apparat basshysynyń orynbasary qyzmetin abyroımen atqarǵan Jaslan Júginisov Parlament Májilisi Apparatynyń basshysy laýazymyna taǵaıyndaldy, dep habarlady Parlament Májilisiniń baspasóz qyzmeti.