Qazaqstan Respýblıkasy Prezıdentiniń Jarlyǵy

A.S. Kólginovti Batys Qazaqstan oblysynyń ákimi qyzmetine taǵaıyndaý týraly Altaı Seıdiruly Kólginov Batys Qazaqstan oblysynyń ákimi bolyp taǵaıyndalsyn. Qazaqstan Respýblıkasynyń Prezıdenti N.NAZARBAEV Astana, Aqorda, 2016 jylǵy 26 naýryz. № 219

Altaı Seıdiruly KО́LGINOV

1978 jyly týǵan. Q.A.Iаsaýı atyndaǵy Halyqaralyq Qazaq-túrik ýnıversıtetin, Qazaqstan Respýblıkasy Prezıdentiniń janyndaǵy Memlekettik basqarý akademııa­syn, «Bolashaq» baǵdarlamasy sheńberinde Ulybrıtanııanyń Aberdın ýnıversıtetin bitirgen. Aǵylshyn, túrik tilderin meńgergen. Bas prokýratýra janyndaǵy Quqyqtyq statıstıka jáne aqparat ortalyǵynyń (departamentiniń) bas mamany, prokýrory bolyp jumys istedi. Memlekettik qyzmet isteri agenttiginiń Astana qalasy boıynsha basqarmasy bastyǵynyń orynbasary,  Ádilet mınıstrliginiń Zańǵa táýeldi aktiler departamentiniń basqarma bastyǵy laýazymdarynda qyzmet atqardy. «Alash Medıa Grýpp» JShS bas dırektorynyń quqyqtyq máseleler jónindegi orynbasary boldy. Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, Batys Qazaqstan oblysy ákiminiń orynbasary laýazymdaryna taǵaıyndalǵan. 2013 jylǵy sáýirden – Oral qalasynyń ákimi.