ASTANA. 29 naýryz. Egıpet azamaty basyp alǵan Egypt Air avıakompanııasy A320 ushaǵy Kıprdiń Larnakı aeroportyna qondyryldy. Quqyq qorǵaý organdary ókilderi júrgizgen kelissózden keıin laıner jolaýshylarynyń basym bóligi bosatyldy. Bul týraly RIA «Novostı» aqparyna silteme jasaǵan egemen.kz habarlady.
Degenmen, qazir bosatylǵan jolaýshylar jóninde ártúrli maǵlumattar aıtylyp jatyr. Olardyń biri ekinshisine qarsy keledi.
Ushaq Aleksandrııa – Kaır baǵytynda ushyp shyqqan. Ol Mysyr astanasyna jergilikti ýaqyt boıynsha 8:30 saǵatta qolýǵa tıisti bolǵan. Alaıda, laıner ushyp shyqqanan keıin jarty saǵattan soń baqylaý sheńberinen shyǵyp ketken. Aldyn ala aqpar boıynsha, ushaq bortynda 51 jolaýshy men ekıpajdyń 7 múshesi otyrǵan.
Ushaqty qorqytý jolymen basyp alǵan er kisi komandır men jolaýshylardy óziniń talaby oryndalmaǵan jaǵdaıda beline baılap alǵan jarylǵysh zatyn iske qosatynyn aıtyp qorqytqan. Laıner kapıtany Kaırdegi dıspetcherge ushaqty bir qaskóıdiń basyp alǵanyn ǵana habarlap úlgergen.
Keıingi túsip jatqan aqparlarǵa qaraǵanda, 59 jastaǵy Egıpet professory keıpindegi lańkes endi ózine basqa elden saıası baspana berýdi talap etip jatqan kórinedi.
Rýslan Igilik.
Derek, foto: RIA Novostı.