ASTANA. 31 naýryz. Úndistannyń Kolkata qalasynda qurylysy bitpegen kópir qulap, 10 adam qaza tapty. Bul týraly lenta.ru-ǵa silteme jasaǵan egemen.kz tilshisi habarlady.
Bul kópirdiń qurylysy 2009 jyly bastalǵan. Alaıda, belgilengen merziminde aıaqtalmaǵandyqtan ýaqyty búginge deıin uzartylyp kelgen. Qutqarýshylardyń aıtýynsha, qırandy astynda áli 150 adam bar. Al kýágerler oqys oqıǵa bolardyń aldynda qatty jarylystyń daýysy shyqqanyn aıtty. Qazirgi kezde jergilikti halyq pen órt sóndirýshiler qutqarý jumystaryn júrgizip jatyr.
Aıta keteıik, 2014 jyly Goa shtatyna qarasty Kanakona qalasynda salynyp jatqan ǵımarat buzylyp, saldarynan 14 adam qaza tapqan, al osydan birneshe aı buryn Mýmbaıda turǵyn úıdiń qabyrǵalary qulap, úgitindi astynda 60 adam qalǵan.
Aıan Ábdýálı.
Derek, foto: lenta.ru.